Statkievič sabraŭ 100 čałaviek u centry Minska na mitynh
Havaryli pra pahrozy niezaležnaści i ŭdzieł u parłamienckich vybarach.
Eks-kandydat u prezidenty, lidar «Narodnaj hramady» Mikoła Statkievič sabraŭ siońnia ludziej na Płoščy Svabody ŭ Minsku, dzie prajšoŭ mitynh «Abaronim Biełaruś».
A 14-j hadzinie na płoščy sabrałasia kala 100 čałaviek.
Statkievič vystupaŭ z karety, što staić na płoščy Svabody.
Pavieł Sieviaryniec kazaŭ pra zarobki pa 40-50 rubloŭ u kałhasach Viciebščyny.
Lidar Maładoha fronta Dzianis Urbanovič parvaŭ partret Pucina, a Valancin Trocki, kandydat ad «Narodnaj hramady», byŭ kateharyčny: «Łukašenka musić syści».
Udzielniki mitynhu spalili paśviedčańni kandydataŭ i siabraŭ inicyjatyŭnych hrup.
Uklučyli taksama pieśniu «Leninhrada»: «Vybary, vybary, kandydaty — [vielmi niecharošaje słova]».
***
«Našaj krainaj prosta handlujuć, viaducca pieramovy pra toje, kolki niezaležnaści ŭ nas zabiare Kreml, na jakich umovach i tak dalej. Sam fakt viadzieńnia takich pieramovaŭ — heta ŭžo źniavaha. Ale i strašennaja niebiaśpieka. Ja dumaju, što biełaruskaje hramadstva, patryjoty pavinny ŭzvysić svoj hołas u abaronu niezaležnaści», — kazaŭ pierad akcyjaj Statkievič.
Pavodle jaho słoŭ, mitynh pavinien prajści ŭ farmacie pieradvybarčaha pikieta pa zbory podpisaŭ za vyłučeńnie kandydataŭ u deputaty ad Narodnaj Hramady. Taki samy pikiet na płoščy Svabody ŭ Minsku z hukaŭzmacnialnaj technikaj užo pravodziŭsia 2 kastryčnika.
«Farmat całkam adpaviadaje navat ichniamu zakanadaŭstvu, jon lehalny, nijakaj pahrozy niama. Admianić rehistracyju inicyjatyŭnaj hrupy jany nie majuć prava. To bok u nas miesiac svabody, i my skarystajemsia hetym miesiacam», — śćviardžaje Statkievič.
-
Pamior biznesmien z 90-ch Alaksandr Smancar. Heta jon u 2010 zvaniŭ Statkieviču na Płošču i zaklikaŭ «siadać u kresła Sidorskaha»
-
Kala 19 tysiač kamier płanujuć ustalavać kala minskich padjezdaŭ. Heta amal u 10 razoŭ bolš, čym ciapier
-
Niamiecki deputat, jaki maje pad Lidaj firmu pa pierapracoŭcy cybuli, vyklikaŭ palicyju na žurnalistaŭ i byłoha biełaruskaha viaźnia
Kala 19 tysiač kamier płanujuć ustalavać kala minskich padjezdaŭ. Heta amal u 10 razoŭ bolš, čym ciapier3
Kamientary