U horadzie Łandśbierh, raźmieščanym za 15 km ad Hale, dzie siońnia byŭ ździejśnieny ŭzbrojeny napad na sinahohu, adbyłasia stralanina, paviedamlaje Bild. Infarmacyju pra heta paćvierdziła palicyja.
Pa dadzienych Merkur, u Łandśbierhu złačyncy, što źbiehli ź miesca napadu na sinahohu ŭ Hale, napali na taksista i pasprabavali adabrać u jaho mašynu. Kiroŭca akazaŭ im supraciŭ i byŭ paranieny. Jak piša Bild, palicyja rekamiendavała žycharam Łandśbierha, jak raniej u Halle, nie pakidać svaje damy.
U tvitary miascovaha ŭpraŭleńnia palicyi havorycca, što paśla stralby byŭ zatrymany adzin čałaviek. Viedamstva zaklikaje miascovaje nasielnictva zachoŭvać spakoj i nie paddavacca čutkam.
Frankfurter Allgemeine Zeitung sa spasyłkaj na krynicy ŭ siłavych strukturach piša, što napadniki mahli być pravymi radykałami. Prynamsi adzin ź ich — niemiec.
Kamientary