u adnosinach da dvuch biełaruskich pradpryjemstvaŭ
ab źmiakčeńni sankcyj u adnosinach da dvuch biełaruskich pradpryjemstvaŭ
Ministerstva finansaŭ ZŠA pradoŭžyła da 1 červienia 2009 hoda rašeńnie ab źmiakčeńni sankcyj u adnosinach da dvuch biełaruskich pradpryjemstvaŭ — «Łakafarba» i «Połack‑Škłovałakno», što ŭvachodziać u skład kancerna «Biełnaftachim». Pra heta paviedamlaje aficyjny sajt Minfina ZŠA.
Pavodle dakumienta, amierykanskim hramadzianam dazvolena supracoŭnictva z hetymi pradpryjemstvami da 1 červienia 2009 hoda. U toj ža čas ułasnaść hetych dvuch pradpryjemstvaŭ zastajecca zabłakavanaj u adpaviednaści z uradavym rasparadžeńniem № 13405. «Hramadzianam ZŠA taksama zabaroniena praz abo pry pasrednictvie pradpryjemstvaŭ «Łakafarba» i «Połack‑Škłovałakno» kuplać pradukcyju, pasłuhi i technałohii ŭ inšych subjektaŭ haspadarańnia, zaniesienych u śpis», — padkreślivajecca ŭ paviedamleńni.
***
Nahadajem, u listapadzie 2007 hoda ZŠA uviali ekanamičnyja sankcyi ŭ adnosinach da kancerna «Biełnaftachim» u suviazi z parušeńniem pravoŭ čałavieka ŭ Biełarusi. Dvuchbakovyja adnosiny pahoršylisia ŭ sakaviku 2008 hoda paśla taho, jak ułady Biełarusi admovilisia vyzvalić byłoha kandydata ŭ prezidenty Alaksandra Kazulina (apošniaha z šaści pryznanych mižnarodnaj supolnaściu palitviaźniaŭ na toj momant). Pasły Biełarusi i ZŠA byli adklikanyja z Vašynhtona i Minska dla kansultacyj; štaty abodvuch pasolstvaŭ skaročany da minimumu.
Uviedzienyja sankcyi, u pryvatnaści, praduhledžvali zamarožvańnie ŭsich źmieščanych pad jurysdykcyjaj ZŠA bankaŭskich rachunkaŭ kancerna i jaho pradstaŭnictvaŭ u Hiermanii, Łatvii, Ukrainie, Rasii i Kitai, a taksama rachunkaŭ daččynaj kampanii «Biełnaftachim Ju‑es‑ej». Aprača taho, amierykanskim biźniesmienam było pradpisana ŭstrymacca ad kantaktaŭ z kancernam.
U sakaviku 2008 hoda byli apublikavanyja ŭdakładnieńni, pavodle jakich pad dziejańnie sankcyj padpadali pradpryjemstvy, dola «Biełnaftachima» ŭ jakich składaje 50% i bolš.
5 vieraśnia Minfin ZŠA na paŭhoda źmiakčyŭ ekanamičnyja sankcyi ŭ adnosinach da pradpryjemstvaŭ «Łakafarba» i «Połack‑Škłovałakno».
Ciapier čytajuć
«Kali b nie «Viasna-1996, my b byli Tatarstanam». 30 hadoŭ tamu biełarusy ŭžo pratestavali suprać Łukašenki i Rasii — jak heta było3
Kamientary