«Biełavija» paviedamiła, što ciapier budzie z rejsami ŭ Dubaj i Dochu
Viečaram 28 lutaha avijakampanija «Biełavija» paviedamiła pra źmieny ŭ raskładzie rejsaŭ u Dubaj. Rejs ź Minska ŭ Dubaj, zapłanavany na 1 sakavika, admienieny. Taksama subotni rejs z Dubaja ŭ Minsk, jaki raniej byŭ zatrymany, pieraniesieny na niadzielu.
«U suviazi z tym, što ŭ AAE abjaŭlena ab zakryćci pavietranaj prastory, rejs «Biełavija» B2 718 Dubaj — Minsk, zapłanavany na siońnia, 28 lutaha, papiarednie pieranosicca na 1 sakavika 8:00 pa miascovym časie. U čakańni vyletu pasažyry rejsa raźmieščanyja ŭ hatelach.
Najbližejšyja paloty ź Minska ŭ Dubaj i nazad avijakampanija płanuje vykanać na šyrokafiuzielažnych samalotach A330-200, kab vyvieźci pasažyraŭ rejsa, admienienaha 1 sakavika. Pa vybary pasažyra buduć praviedzienyja albo viartańnie koštu kvitkoŭ na admienieny rejs (pa miescy nabyćcia kvitkoŭ), albo biaspłatny pieranos daty vyletu», — paviedamili ŭ avijakampanii.
Akramia taho, paśla było abjaŭlena, što čartarny rejs Minsk — Docha — Minsk, zapłanavany na 1 sakavika, pieraniesieny na 2 sakavika pa ŭzhadnieńni z turystyčnym apierataram.
Pamierła palitźniavolenaja Alena Pankova. Paŭhoda nazad jaje asudzili za ŭdzieł u pratestach7
Kamientary