Pucin aburyŭsia rezalucyjaj Jeŭraparłamienta ab Druhoj suśvietnaj vajnie
Prezident Rasii Uładzimir Pucin ubačyŭ u rezalucyi Jeŭraparłamienta «Ab važnaści zachavańnia histaryčnaj pamiaci dla budučyni Jeŭropy», pryniataj u vieraśni hetaha hoda, sprobu skazić praŭdu pra Druhuju suśvietnuju vajnu. Ab hetym kiraŭnik RF zajaviŭ na pasiadžeńni arhanizacyjnaha kamiteta «Pieramoha», pieradaje RBK.
Pavodle jaho słoŭ, sproby skazić histaryčnuju praŭdu nie spyniajucca, a ciapier da ich padklučylisia i «całkam reśpiektabielnyja mižnarodnyja instytuty i jeŭrapiejskija struktury».
U pryvatnaści, skazaŭ prezident Rasii, rezalucyja Jeŭraparłamienta «pastaviła faktyčna na adnu došku i nacysckich ahresaraŭ, i Saviecki Sajuz, ledź nie abvinavačvaje SSSR razam z nacysckaj Niamieččynaj u raźviazvańni Druhoj suśvietnaj vajny», — aburyŭsia Pucin (cytata pa TASS). — Jak byccam zabylisia, chto napaŭ na Polšču 1 vieraśnia 1939 hoda i na Saviecki Sajuz 22 červienia 1941 hoda!»
Pa słovach Pucina, tych, chto sprabuje paspračacca «z takoj ni na čym realna nie zasnavanaj biespardonnaj chłuśnioj, zahadzia abvinavačvajuć — cytata: u infarmacyjnaj vajnie suprać demakratyčnaj Jeŭropy».
Rezalucyja «Ab važnaści zachavańnia histaryčnaj pamiaci dla budučyni Jeŭropy» była pryniataja jeŭrapiejskimi deputatami ŭ vieraśni z nahody čarhovaj hadaviny pačatku Druhoj suśvietnaj vajny.
«Členy Jeŭraparłamienta vykazali zaniepakojenaść u suviazi z namahańniami ciapierašniaha rasijskaha ŭrada abialić złačynstvy, učynienyja savieckim tatalitarnym režymam, i bačać u ich niebiaśpiečny kampanient infarmacyjnaj vajny suprać demakratyčnaj Jeŭropy», — havorycca ŭ dakumiencie.
Jeŭradeputaty taksama prapanavali ŭklučyć historyju tatalitarnych režymaŭ i analiz ich nastupstvaŭ u navučalnyja prahramy. Jeŭraparłamient taksama prapanavaŭ zasnavać 25 traŭnia jak Mižnarodny dzień hierojaŭ baraćby z tatalitaryzmam, kab dać budučym pakaleńniam «nahladny prykład pravilnaha staŭleńnia da taho, što adbyvajecca pierad abliččam pahrozy tatalitarnaha pryhniotu».
Ciapier čytajuć
U Poznani hiniekołah vydaliŭ 24‑hadovaj biełaruscy matku i jaječniki bieź jaje zhody. Jamu pahražaje da 20 hadoŭ turmy21
Kamientary