Ministerstva justycyi Biełarusi zarehistravała Centar čarnobylskich inicyjatyŭ. Pra heta «Svabodzie» paviedamiŭ člen‑karespandent Nacyjanalnaj akademii navuk Biełarusi Ivan Nikitčanka.
Jon skazaŭ, što takoje rašeńnie stała dla jaho poŭnaj niečakanaściu. Sprava ŭ tym, što na minułym tydni Viarchoŭny sud Biełarusi z prośby Ministerstva justycyi vyrašyŭ pravieści hrafičnuju ekspertyzu podpisaŭ niekalkich udzielnikaŭ ustanoŭčaj kanferencyi. Ale raptam ministerstva ŭłasna admoviłasia ad hetaha svajho patrabavańnia i zarehistravała arhanizacyju.
Ustanoŭčaja kanferencyja prajšła amal hod tamu. I toje, što čarnobylski Centar zarehistravali tolki ciapier, jaho zasnavalniki źviazvajuć ź ciskam Eŭraźviazu na biełaruskija ŭłady.
Spadar Nikitčanka skazaŭ, što ciapier jon i jahonyja kalehi najpierš vyrašać arhanizacyjnyja pytańni:
«A nastupnaje, što treba rabić, naładzić kantakty z usimi arhanizacyjami, jakija zajmajucca Čarnobylem. Tut nie maje značeńnia — uradavyja jany ci niaŭradavyja. Čarnobylskaja prablema heta nie taja, dzie možna varahavać, kazać: voś tut apazycyja, a voś tut urad. Treba rabić usio razam, pakolki radyjacyja nie vybiraje, čynoŭnik ty ci apazycyjaner. Jana nie pytajecca: chto — dzie?».
Kamientary