Mužčyna zabraŭ u znajomaha kartku i 20 razoŭ schadziŭ ź joj u kramu
U Minsku ŭ milicyju źviarnuŭsia 40‑hadovy mužčyna. Jon paviedamiŭ, što ŭ jaho źnikła bankaŭskaja karta, a z rachunku śpisanyja hrošy.
Supracoŭniki milicyi vyśvietlili, što kartaj skarystaŭsia znajomy paciarpiełaha — 35‑hadovy minčuk, jaki raniej užo mieŭ sudzimaść.
Akazałasia, što adnojčy mužčyny sustrelisia kala supiermarkieta. Uładalnik karty paprasiŭ znajomaha kupić pradukty i pieradaŭ jamu bankaŭskuju kartu. Paśla pakupki toj kartu nie viarnuŭ, a vyrašyŭ vykarystoŭvać jaje dla siabie.
Na praciahu niekalkich dzion jon bolš za 20 razoŭ raźličvaŭsia joju ŭ roznych kramach.
U vyniku mužčyna patraciŭ zvyš 200 biełaruskich rubloŭ, pakul uładalnik nie zabłakavaŭ kartu.
Pa hetym fakcie zaviali kryminalnuju spravu za kradziež majomaści šlacham madyfikacyi kampjutarnaj infarmacyi.
Kamientary
[Zredahavana]