62-hadovy mahiloviec praktyčna nie traciŭ piensiju, jakuju atrymlivaje na kartku, paviedamlaje sb.by. Mužčyna padpracoŭvaje i žyvie na hetyja hrošy.
Stratami dla jaho paviarnułasia siabroŭstva ź inšymi susiedziami — siamiejnaj paraj. Pažyły čałaviek całkam daviaraŭ svaim znajomym i čas ad času pieradavaŭ im kartku, kab jany nabyli pradukty i ałkahol dla sumiesnaj biasiedy. Pin-kod kartki taksama nie byŭ sakretam dla muža i žonki.
Adnojčy znajomyja piensijaniera kartku nie viarnuli, a pažyłomu mužčynu nie pryjšło ŭ hałavu abvinavacić svaich dobrych siabroŭ. Jon vyrašyŭ, što zhubiŭ płaciežny srodak, i patelefanavaŭ u bank, kab kartku zabłakavali.
Adnak na hetym historyja nie skončyłasia. Złamyśniki zmahli razbłakavać kartku z dapamohaj chitrykaŭ: jany pryjšli da pryjaciela ź plaškaj harełki i ŭ razmovie raźviedali kodavaje słova. Zatym patelefanavali ŭ bank, dzie supracoŭnik pa kodavym słovie razbłakavaŭ kartku.
Ahułam historyja doŭžyłasia vosiem miesiacaŭ, za jakija siamiejnaja para skrała 3000 rubloŭ.
Kampiensavać škodu muž i žonka nie zmahli — aboje nidzie nie pracujuć.
Cichanoŭskaja: Dzieci nie pierajechali ŭ ZŠA, a prosta časova buduć z tatam dziela biaśpieki39
Kamientary