Biełaruskaja apazicyja źviarnułasia da hramadzian Rasii nakont pahrozaŭ «pahłybleńnia intehracyi»
Fota Nadziei Bužan
Pradstaŭniki demakratyčnych partyj i hramadskich arhanizacyj Biełarusi padpisali zvarot da hramadzian Rasii «ŭ suviazi z antyzakonnymi dziejańniami ŭ pahłybleńni sajuznaj intehracyi Rasii i Biełarusi», piša Radyjo Svaboda.
U im havorycca, što «aŭtarytarnyja kiraŭniki Rasii i Biełarusi pieršapačatkova padpisali Damovu ab stvareńni sajuznaj dziaržavy» tolki dla zadavalnieńnia svaich biezadkaznych ambicyj», a realizacyja Damovy «viadzie da likvidacyi biełaruskaj niezaležnaści i faktyčnaj anieksii biełaruskaj dziaržavy», što taksama «niasie pahrozu dobrasusiedskim adnosinam Biełarusi i Rasii»
Dałučeńnie da Rasii Biełarusi «niepaźbiežna pryviadzie da jašče bolšaj izalacyi Rasii na mižnarodnym uzroŭni jak krainy ahresara, što znoŭku ŭdaryć pa dabrabycie prostych rasijanaŭ», adznačajecca ŭ zajavie.
Hramadzian Rasii zaklikajuć dałučycca da zajavy «ab nielehitymnaści damovy, ab niepryznańni lubych «intehracyjnych» pahadnieńniaŭ, sakretnych pratakołaŭ pamiž Pucinym i Łukašenkam». U zajavie taksama dziakujuć rasijanam, jakija ŭžo pravodzili akcyi salidarnaści ŭ Maskvie i Sankt-Pieciarburhu.
Zvarot padpisali:
- Vital Rymašeŭski, sustaršynia partyi «Biełaruskaja chryścijanskaja demakratyja»;
- Pavieł Sieviaryniec, sustaršynia BCHD;
- Anatol Labiedźka, «Jeŭrapiejski dyjałoh»;
- Alena Anisim, staršynia Tavarystva biełaruskaj movy;
- Alasiej Maračkin, mastak, zasnavalnik supołki «Pahonia»;
- Jury Bieleńki, namieśnik staršyni KCHP-BNF;
- Aleś Arastovič, namieśnik staršyni «Narodnaj hramady».
Ciapier čytajuć
Pasiarod iranskich bambiožak Dubaja Kirył Rudy pierabraŭsia z Emirataŭ u ZŠA: «Rady złučać kantynienty! Nie saromiejciesia da mianie źviartacca»8
Pasiarod iranskich bambiožak Dubaja Kirył Rudy pierabraŭsia z Emirataŭ u ZŠA: «Rady złučać kantynienty! Nie saromiejciesia da mianie źviartacca»
Babaryka turemščykam: «U mianie było, ciapier niama, ale jość šaniec, što budzie. A ŭ vas nie było, niama i nie budzie. I ŭ vašych dziaciej nie budzie»99
Kamientary