Navukoviec raskazaŭ, ci niebiaśpiečnaja dla ziamlanaŭ mahutnaja ŭspyška ŭ Mlečnym Šlachu
U paniadziełak pres-słužba Jeŭrapiejskaj paŭdniovaj absiervatoryi paviedamlała, što teleskop VLT vyjaviŭ ślady najmahutnaj uspyški zorkaŭtvareńnia ŭ jadry našaj Hałaktyki. Adznačajecca, što hetaja ŭspyška stała adnoj z samych enierhietyčna mahutnych padziej va ŭsioj historyi Mlečnaha Šlachu.
«Na samoj spravie, takija rečy pastajanna adbyvajucca, Hałaktyka vielmi vialikaja, u joj paradku 400 młrd zorak. Tamu chvali zorkaŭtvareńnia i raniej adbyvalisia, i zaraz adbyvajucca, tolki ŭ roznych miescach. Heta narmalnaja reč, i ničym heta nie pahražaje, heta nie niebiaśpiečna», — paviedamiŭ tass.ru dyrektar astranamičnaj absiervatoryi Irkuckaha dziaržuniviersiteta RF Siarhiej Jazieŭ.
Pavodle jaho słoŭ, mahutnaść hetaha vybuchu možna rastłumačyć tym, što padzieja adbyłasia pablizu centru Hałaktyki, dzie padobnyja pracesy najbolš mocnyja. Akramia taho, jon padkreśliŭ, što sama padzieja adbyłasia ŭ dalokim minułym, miljony hadoŭ tamu. Adnak z-za addalenaści centra Hałaktyki ŭbačyć jaje ŭdałosia tolki ciapier. «Navat centr našaj Hałaktyki znachodzicca ad nas za 26 tys. śvietłavych hadoŭ, i jak minimum 26 tys. hadoŭ išło śviatło ad taho, što my bačym siońnia», — skazaŭ Jazieŭ.
Sam praces zorkaŭtvareńnia, jak praviła, adbyvajecca pad uździejańniem udarnaj chvali, adznačyŭ navukoviec. Padobnyja ŭdarnyja chvali pryvodziać da taho, što ŭ razredžanym hazie z vysokaj kancentracyjaj vadarodu i hieliju farmujucca ŭ «šary» budučyja zorki. Paśla hetaha ŭ ich zapuskajucca termajadziernyja reakcyi, i jany kančatkova farmujucca.
-
Antarktyda maje «hravitacyjnuju dzirku». Što heta takoje i ci niasie pahrozu płaniecie?
-
«Jandeks Braŭzier» analizuje navat asabistyja paviedamleńni. Voś jakija źviestki źbirajuć braŭziery i čamu heta važna
-
Na karybskim vostravie vypraboŭvajuć inavacyjnuju sistemu chvalevaj enierhietyki i apraśnieńnia vady
«Łukašenka mnie skazaŭ: «Chočaš — možaš adkazać nam, udaryć pa Mazyry, pa zavodzie» — Zialenski32
«Łukašenka mnie skazaŭ: «Chočaš — možaš adkazać nam, udaryć pa Mazyry, pa zavodzie» — Zialenski
Zialenski: Ja nie budu kazać, jakim sposabam, ale našyja ludzi zajmalisia tym, kab try-čatyry retranślatary ŭžo nie pracavali na terytoryi Biełarusi11
Zialenski: Ja nie budu kazać, jakim sposabam, ale našyja ludzi zajmalisia tym, kab try-čatyry retranślatary ŭžo nie pracavali na terytoryi Biełarusi1
«Mama, davaj napišam zajavu ŭ milicyju, jon mianie ŭžo dastaŭ». Maci školnika z Bresta, jaki skončyŭ žyćcio samahubstvam, raskazała pra ckavańnie syna2626
Kamientary