Dziaržaŭnych uznaharod udastojeny 96 pradstaŭnikoŭ roznych halin za šmathadovuju plonnuju pracu, uzornaje vykanańnie słužbovych abaviazkaŭ, značny asabisty ŭkład u zabieśpiačeńnie abaranazdolnaści krainy i ŭmacavańnie hramadskaha paradku, raźvićcio sielskaj i darožnaj haspadarki, čyhunačnaha i naftapravodnaha transpartu, zasłuhi ŭ śfierach adukacyi, navuki, kultury, mastactva i sportu. Adpaviedny ŭkaz padpisaŭ Alaksandr Łukašenka, paviedamlaje BiełTA.
Ordenam «Za słužbu Radzimie» « II stupieni ŭznaharodžany načalnik Hienieralnaha štaba Uzbrojenych Sił - pieršy namieśnik Ministra abarony (2014-2019 hady) Aleh Biełakonieŭ.
Načalnik rakietnych vojskaŭ i artyleryi - načalnik upraŭleńnia rakietnych vojskaŭ i artyleryi Hienieralnaha štaba Uzbrojenych Sił hienierał-major Hienadź Kazłoŭski, načalnik upraŭleńnia dziaržaŭnaj aŭtamabilnaj inśpiekcyi milicyi hramadskaj biaśpieki Ministerstva ŭnutranych spraŭ pałkoŭnik milicyi Dźmitryj Karziuk i pieršy namieśnik načalnika dziaržaŭnaj pažarnaj avaryjna-vyratavalnaj ustanovy «Respublikanski atrad śpiecyjalnaha pryznačeńnia» MNS pałkoŭnik unutranaj słužby Andrej Miacielski ŭdastojeny ordena «Za słužbu Radzimie» « III stupieni.
Ordenam Pašany ŭznaharodžany staršynia Kamiteta dziaržaŭnaha kantrolu Leanid Anfimaŭ, hałoŭny trenier nacyjanalnaj kamandy Biełarusi pa samba dziaržaŭnaj ustanovy «Respublikanski centr alimpijskaj padrychtoŭki «Stajki» Viačasłaŭ Kot, kiraŭnik vytvorčaj bryhady ŭ raślinavodstvie sielhaspradpryjemstva «Hirki» Voranaŭskaha rajona Maryja Kozič.
Hetaj ža ŭznaharodaj adznačany zasłuhi staršyni Bresckaha abłvykankama Anatola Lisa, staršaha elektramiechanika pa absłuhoŭvańni i ramoncie ŭstrojstvaŭ čyhunačnaj aŭtamatyki i telemiechaniki Asipovickaj dystancyi sihnalizacyi i suviazi Mahiloŭskaha adździaleńnia Biełaruskaj čyhunki Piatra Panasiuka i dyrektara sielhaspradpryjemstva «Alekšycy» Bierastavickaha rajona Valeryja Paŭlukieviča.
Ordenam Francyska Skaryny ŭznaharodžany dyrektar vydavieckaha respublikanskaha ŭnitarnaha pradpryjemstva «Mastackaja litaratura» Alaksandr Badak, pieršy prarektar Biełaruskaha dziaržaŭnaha piedahahičnaha ŭniviersiteta imia Maksima Tanka Śviatłana Kopcieva i člen Biełaruskaha sajuza mastakoŭ Valeryj Škaruba.
U adpaviednaści z ukazam zasłuhi rabotnikaŭ roznych śfier taksama adznačany miedalami i hanarovymi zvańniami.-0-
Ciapier čytajuć
Cichanoŭskaja: Dzieci nie pierajechali ŭ ZŠA, a prosta časova buduć z tatam dziela biaśpieki39
Kamientary