Administracyja Trampa moža abmiežavać hramadzianam Biełarusi ujezd u ZŠA
Administracyja prezidenta ZŠA Donalda Trampa moža abmiežavać ujezd hramadzianam siami krain u ZŠA. U mierkavanym śpisie jość i Biełaruś, paviedamlaje Politico.
Śpis krain jašče nie kančatkovy i moža być źmienieny, ale zaraz žurnalisty nazyvajuć Biełaruś, Mjanmu, Erytreju, Kyrhyzstan, Nihieryju, Sudan i Tanzaniju.
Prajekt, jaki razhladajecca administracyjaj Trampa, nakładzie imihracyjnyja abmiežavańni na siem krain, ale heta nie aznačaje, što ŭjezd budzie zabaronieny ŭsim hramadzianam hetych krain. Abmiežavańni mohuć prymianiacca tolki da peŭnych čynoŭnikaŭ, ci, naprykład, da niekatorych typaŭ viz.
Tym nie mienš, lubyja novyja abmiežavańni mohuć abvastryć adnosiny ZŠA z hetymi krainami.
Aficyjny pradstaŭnik Biełaha doma admoviŭsia paćvierdzić žurnalistam padrabiaznaści ab płanach pa zabaronie na pajezdki.
Politico adznačaje, što aficyjnyja asoby ZŠA imknulisia palepšyć adnosiny ź Biełaruśsiu, jakaja doŭhi čas znachodziłasia pad kantrolem Rasii. Dziaržsakratar ZŠA Majk Pampiea płanavaŭ naviedać krainu ŭsiaho niekalki tydniaŭ tamu, ale byŭ vymušany admianić pajezdku z-za napružańnia adnosin ź Iranam.
Ciapierašniaja palityka administracyi Trampa, nahadvaje CNN, u toj abo inšaj stupieni abmiažoŭvaje ŭjezd u ZŠA ź siami krain: Irana, Livii, Samali, Siryi, Jemiena, Vieniesueły i Paŭnočnaj Karei. Čad byŭ vyklučany sa śpisu ŭ krasaviku 2018 hoda, paśla taho jak Bieły dom zajaviŭ, što ŭ krainie palepšylisia miery biaśpieki.
Ciapier čytajuć
Pahražaŭ vajskoŭcam raskryć, chto ź ich homaseksuał, kab vypytać sakrety i pradać Ukrainie. Voś za što adyjozny funkcyjanier BRSM atrymaŭ 17 hadoŭ kałonii12
Kamientary