Na adnym z pradpryjemstvaŭ u Amsterdamie vybuchnuła pasyłka, jak miarkujecca, z bombaj. U vyniku incydentu paciarpieŭ adzin čałaviek, paviedamlaje Nu.nl.
Pavodle palicyi, list byŭ adpraŭleny ŭ ofis kampanii Unisys, jakaja zajmajecca płaciežnymi apieracyjami. Adpraŭnik taksama pakinuŭ list z pahrozami i zapatrabavaŭ apłaty ŭ bitkojnach.
Heta treci vypadak za apošnija sutki ŭ Niderłandach. Dniom 12 lutaha ŭzarvalisia paštovyja adpraŭleńni ŭ Amsterdamie i Kierkradie, adnak tady nichto nie paciarpieŭ. Akramia taho, jašče adnu pasyłku, jakaja pastupiła ŭ paštovaje adździaleńnie ŭ horadzie Leŭsden, udałosia abiasškodzić.
Pa danych partała, na hety momant zafiksavana atrymańnie 11 listoŭ z bombami, pry hetym nie paviedamlajecca, za jaki pramiežak času. Piać pasyłak byli adpraŭlenyja ŭ kampanii, jakija znachodziacca ŭ Amsterdamie. Adpraŭnik listoŭ nieviadomy.
Kamientary