U lidera kaardynacyjnaje rady pradprymalnikaŭ Minska Alaksandra Makajeva supracoŭniki milicyi ŭziali adpiačatki tuflaŭ.
Jak paviedamiŭ A.Makajeŭ, 18 sakavika jon byŭ vyklikany ŭ śledčy adździeł kryminalnaha vyšuku Maskoŭskaha RUUS Minska. «Supracoŭniki milicyi zajavili mnie, što ja vyklikajusia ŭ suviazi z abrabavańniem punkta abmienu valut u minskim hipiermarkiecie «Prastor». Nibyta moj telefon znachodzicca ŭ niejkich čornych śpisach, i mnie nieabchodna pryjści na dopyt», — skazaŭ A.Makajeŭ.
Pradprymalnik zaznačyŭ, što ŭ milicyi ŭ jaho cikavilisia numaram telefona pravaabaroncy Ihara Lednika, jaki žyvie ŭ Barysavie (Minskaja vobłaść). «Paśla hetaha supracoŭniki milicyi ŭziali ŭ mianie adpiačatki tuflaŭ. Jany pasprabavali ŭziać i adpiačatki palcaŭ, adnak ja zajaviŭ, što ich užo zdavaŭ», — paviedamiŭ A.Makajeŭ.
«Jak heta dapamoža milicyi znajści złačyncu, ja nie viedaju, a ci stanie heta čarhovaj pravakacyjaj u dačynieńni da lideraŭ apazicyi — my pahladzim», — zajaviŭ pradprymalnik.
Kamientary