У лідэра каардынацыйнае рады прадпрымальнікаў Мінска Аляксандра Макаева супрацоўнікі міліцыі ўзялі адпячаткі туфляў.
Як паведаміў А.Макаеў, 18 сакавіка ён быў выкліканы ў следчы аддзел крымінальнага вышуку Маскоўскага РУУС Мінска. «Супрацоўнікі міліцыі заявілі мне, што я выклікаюся ў сувязі з абрабаваннем пункта абмену валют у мінскім гіпермаркеце «Прастор». Нібыта мой тэлефон знаходзіцца ў нейкіх чорных спісах, і мне неабходна прыйсці на допыт», — сказаў А.Макаеў.
Прадпрымальнік зазначыў, што ў міліцыі ў яго цікавіліся нумарам тэлефона праваабаронцы Ігара Ледніка, які жыве ў Барысаве (Мінская вобласць). «Пасля гэтага супрацоўнікі міліцыі ўзялі ў мяне адпячаткі туфляў. Яны паспрабавалі ўзяць і адпячаткі пальцаў, аднак я заявіў, што іх ужо здаваў», — паведаміў А.Макаеў.
«Як гэта дапаможа міліцыі знайсці злачынцу, я не ведаю, а ці стане гэта чарговай правакацыяй у дачыненні да лідэраў апазіцыі — мы паглядзім», — заявіў прадпрымальнік.
Як беларусы ў Вільні адзначылі Дзень Волі ШМАТ ФОТА4
Як беларусы ў Вільні адзначылі Дзень Волі ШМАТ ФОТА
Часам нечаканая гісторыя беларускіх гімнаў: «Мы выйдзем шчыльнымі радамі», «Пагоня», «Жыве Беларусь», «Радзіма мая дарагая», «Магутны Божа» (з ВІДЭА)1111
Каментары