Z 1 sakavika 2020 hoda ŭvodzicca zabarona na prodaž lekaŭ, hraničnyja adpusknyja ceny vytvorcaŭ na jakija nie zarehistravanyja, piša BiełTA. Zabarona zakranie leki, pryznačanyja dla ekstrakarparalnaha apładnieńnia (mienatrapin — čałaviečy mienapaŭzalny hanadatropin, falitrapin-alfa, falitrapin-beta, cetrareliks), a taksama ŭklučanyja ŭ pieralik asnoŭnych z terapieŭtyčnaj padhrupy anatama-terapieŭtyčna-chimičnaj kłasifikacyjnaj sistemy C01-C10 (dla lačeńnia zachvorvańniaŭ sardečna-sasudzistaj sistemy).
Heta praduhledžana ŭkazam ad 22 žniŭnia 2018 hoda №345, jakim było ŭviedziena ŭ Biełarusi abaviazkova mieć rehistracyju hraničnych adpusknych cen vytvorcaŭ na niekatoryja leki. Pałažeńni ŭkaza pašyrajucca na 41 mižnarodnaje niepatentavanaje najmieńnie lekavych srodkaŭ pry ich zvarocie na terytoryi Biełarusi. Hetyja leki dzielacca na niekalki katehoryj, dla kožnaj ź jakich ustalavanyja svaje terminy zabarony ŭ tym vypadku, kali hraničnyja adpusknyja ceny vytvorcaŭ nie buduć zarehistravanyja.
Kamientary