Karanavirus pryjšoŭ u Biełaruś: student BNTU ź Irana i jaho atačeńnie ŭ infiekcyjoncy
Chvarobu vyjavili ŭ studenta-iranca, jaki viarnuŭsia z Baku.
27 lutaha testy, praviedzienyja ŭ Respublikanskim navukova praktyčnym centry epidemijałohii i mikrabijałohii, pakazali najaŭnaść karanavirusa 2019-nCoV u adnaho sa studentaŭ ź Irana. Pra heta paviedamlaje pres-słužba Ministerstva achovy zdaroŭja.
Čytajcie taksama: Usich studentaŭ i vykładčykaŭ BNTU, jakija kamunikavali z chvorym na karanavirus, źmiaścili na karancin
Uličvajučy paharšeńnie epidemičnaj abstanoŭki ŭ Paŭdniovaj Karei, Iranie i Italii Ministerstvam achovy zdaroŭja Biełarusi było pryniata rašeńnie pravodzić abśledavańnie i łabaratornuju dyjahnostyku ŭsich hramadzian, jakija prybyvajuć z nazvanych krain z 20 lutaha.
27 lutaha byŭ vyjaŭleny virus u adnaho z hramadzian Irana, jaki prybyŭ rejsam z Baku 22 lutaha. Pacyjent i ludzi, jakija kantaktavali ź im, źmieščanyja ŭ začynienyja boksy ŭ Minskaj infiekcyjnaj balnicy — heta na vulicy Krapotkina. Małady čałaviek pačuvajecca zdavalniajuča.
Čytajcie taksama: Simptomy, pieraściarohi, praviły pavodzin. Što rabić, kali karanavirus dasiahnie Biełarusi
U adzin dzień ź Biełaruśsiu pieršaha nośbita virusa vyjavili i ŭ Litvie. Zarazu pryviezła žančyna, jakaja viarnułasia ź italjanskaj Vierony. Jaje špitalizavali ŭ Šaŭlai.
Zaraz u Biełarusi pravodziacca sanitarna-epidemičnyja mierapryjemstvy nakiravanyja na niedapuščeńnie raspaŭsiudžvańnia karanavirusa 2019-nCoV.
Kamientary