Niechta pra paklop na eks-hubiernatara Rudnika: Heta ž łukašenkaŭskija čynoŭniki, ich absalutna nie škada
Błohier Ściapan Puciła (Niechta) nie bačyć prablemy ŭ tym, što infarmacyja, jakuju jon publikuje pra biełaruskich čynoŭnikaŭ, časam akazvajecca niepraŭdzivaj. Pra heta jon raskazaŭ Kaciarynie Markoŭskaj u šou «Morkva».
Kaciaryna Markoŭskaja: 26 studzienia z tvajho kanała źjaviłasia infarmacyja, nibyta padrabiaznaści pa «cukrovaj spravie». Ty napisaŭ, što siarod zatrymanych były kiraŭnik Mahiloŭščyny Piatro Rudnik. Ale nasamreč tam byŭ inšy čałaviek, dyrektar adnaho z zavodaŭ Michaił Prudnik. Heta narmalna, kali takimi niepravieranymi źlivami ty padstaŭlaješ realnych ludziej?
Ściapan Puciła: Naiŭnyja hetyja čynoŭniki, jakija chacieli paŭmiljona dalaraŭ adsudzić ci kolki tam… [Eks-kiraŭnik Mahiloŭščyny Piatro Rudnik kazaŭ, što choča spahnać 5,2 miljona jeŭra sa ŚMI, jakija apublikavali chłuślivuju infarmacyju pra jaho — «NN»]
Kaciaryna Markoŭskaja: Ale čamu nie zrabić publičnuju reakcyju, skazać: «Ludzi, ja pamyliŭsia!»
Ściapan Puciła: My napisali, što nie Rudnik, a Prudnik. A ŭ tym pieršym dopisie było «pa infarmacyi čytačoŭ, Rudnik i Kryštapovič». Infarmacyja čytačoŭ takaja była. A potym užo, kali vypraviłasia, to napisali nie Rudnik, a Prudnik.
Kaciaryna Markoŭskaja: Pastavim tak pytańnie, ty ŭnutrana pieražyvaješ z-za hetych prakołaŭ ci tabie ŭsio roŭna?
Ściapan Puciła: Heta nie bje pa ich reputacyi, heta ž łukašenkaŭskija čynoŭniki!
Kaciaryna Markoŭskaja: Značyć, nie pieražyvaješ.
Ściapan Puciła: Nie! Jamu chapiła nachabstva nie vyrašyć situacyju paluboŭna, a skazać, što budzie adsudžvać paŭmiljona — ci kolki tam. Naiŭnyja biełaruskija čynoŭniki, što ź ich uziać… Ich absalutna nie škada. Čynoŭnika nie škada, škada tolki svajho imidžu, kali takoje [pamyłki] budzie zdaracca časta.
Ciapier čytajuć
Advakat Kanavałava, rasstralanaha za terakt u mietro, upieršyniu raskazaŭ, što adbyvałasia padčas śledstva33
Kamientary