Kanapackaja pra Sieviarynca: Jak čałaviek, u jakoha jość ruki, nohi i mazhi, moža žyć na achviaravańni ludziej?!
U razmovie z karespandentam «Našaj Nivy» eks-deputatka Pałaty pradstaŭnikoŭ Hanna Kanapackaja aburyłasia ładam žyćcia svajho mahčymaha kankurenta pa prajmieryz Paŭła Sieviarynca. U videaintervju «Radyjo Svaboda» toj raskazvaŭ pra svoj nievialiki dachod ad prodažu knih, a taksama pra toje, što vopratku amal nikoli nie kuplaje, bo jaje dorać prychilniki.
«Ja nie mahu zrazumieć, jak čałaviek, u jakoha jość mazhi, jość dźvie ruki i dźvie nahi, nie moža zarabić na žyćcio, majučy žonku i małoje dzicia. I jak jon moža kazać, što žyvie na achviaravańni ludziej?
Siońnia ty žyvieš na achviaravańni ludziej, jakija składajuć $500, a zaŭtra ty budzieš žyć na achviaravańni padatkapłacielščykaŭ, jakija farmirujuć biudžet Biełarusi? Čałaviek nie źmianiajecca! Ci ty ŭmieješ pracavać i zarablać hrošy dla siabie, dla svajoj siamji, dla svajakoŭ, dla hramadzian, ci ty nie ŭmieješ. Kali ty nie ŭmieješ pracavać — to što?
Ja nie viedaju dachodaŭ Hubareviča ci dachodaŭ Kavalkovaj. Ale hetaje pytańnie tyčycca ŭsich, prosta ź Sieviaryncam ja bačyła intervju, dzie jon kazaŭ, što na miesiac maje dachod kala $350 u ekvivalencie, i amal usie hety hrošy sychodziać na apłatu kvatery. A ŭsio inšaje jamu nibyta ludzi dajuć: vopratku i hetak dalej», — zajaviła Kanapackaja.
Čytajcie:
Kanapackaja raskazvaje pra palityku, zarobki i status seks-simvała apazicyi. Hutarka Ułada Šviadoviča
Kanapackaja kupiła ŭ sałonie raskošny «Rendž Rovier». Jaho košt — amal 100 tysiač rubloŭ FOTA
-
«Biełarusy i ŭ Dubai biełarusy». Jak suajčyńniki arhanizavali dapamohu tym, chto nie moža viarnucca damoŭ praz zakrytaje nieba
-
«Pad kaniec adpačynku daviedalisia, što tut niama schoviščaŭ». Biełarusy, što znachodziacca ŭ AAE, raskazali, jak im tam ciapier
-
Bujnaja sietka zaradnych stancyj zapuściła ŠI-taryfy dla elektrakaraŭ
Ciapier čytajuć
Pahražaŭ vajskoŭcam raskryć, chto ź ich homaseksuał, kab vypytać sakrety i pradać Ukrainie. Voś za što adyjozny funkcyjanier BRSM atrymaŭ 17 hadoŭ kałonii8
Kamientary