U 2008 hodzie na trasie Brest-Maskva ź biełaruskaha boku było ździejśniena 14 kradziažoŭ, u toj čas, jak u Rasii – 400.
U 2008 hodzie na trasie Brest-Maskva ź biełaruskaha boku było ździejśniena 14 kradziažoŭ, u toj čas, jak u Rasii – 400.
Da 2010 hoda ŭ Biełarusi płanujecca stvaryć sistemu padtrymki biaśpieki pa trasie Brest‑Maskva.
Na praktycy heta budzie vyhladać nastupnym čynam: na aŭtamabil ustalujuć navihacyjny terminał. Adsočvać sihnał buduć z dapamohaj spadarožnika. Heta dazvalaje mieć kaardynaty transpartnaha srodku z dakładnaściu da 10 mietraŭ. Sihnał budzie pieradavacca za dapamohaj GSM – suviazi ŭ dyśpietčarski centr i adtul pa karcie budzie bačna miesca znachodžańnia vadziciela i jaho aŭtamabila. Velcom i MTC padtrymali ideju supracoŭnictva. Terminał abstalavany hałasavoj suviaźziu, pry žadańni možna ŭstalavać knopku tryvohi. I bližejšy narad milicyi vyjedzie na dapamohu.
Košt samoha terminału składaje 1,4 młn. rubloŭ. Śpiecyjalisty śćviardžajuć, što prasłužyć jon 8 hod. Pakul nie padličana, kolki buduć kaštavać pasłuhi milicyi, jakaja abiacaje ścierahčy pakoj na darohach.
Raspracoŭka kalidoru biaśpieki ažyćciaŭlajecca sumiesna z Rasijaj. Heta značyć, što na sihnały tryvohi z terytoryi Biełarusi buduć reahavać miascovyja słužby biaśpieki, na terytoryi Rasii – ichnija.
Za minuły hod na trasie ź biełaruskaha boku było ździejśniena 14 kradziažoŭ, u toj čas, jak u Rasii – 400. Tamu isnuje mierkavańnie, što prapanova ŭstalavańnia karydora biaśpieki bolš cikavić našych susiedziaŭ, čym biełarusaŭ.
Alaksandr Monič, namieśnik načalnika ŭpraŭleńnia srodkaŭ i sistem achovy Departamienta achovy MUS RB, paviedamlaje, što prymušać vadzicielaŭ ustaloŭvać terminał na svoj aŭtamabil nie buduć: «Prynamsi, pakul na heta niama nijakich narmatyŭnych aktaŭ».
Vypuskać terminał budzie biełaruskaja kampanija UP «SKB Kamierton».
Na siońnia navihacyjnym terminałam abstalavany 50 milicyjnych mašyn u Breście.
Byłoha supracoŭnika kontrraźviedki KDB aryštavali za zdradu dziaržavie9
Kamientary