U Babrujsku trenier pa viesłavańni «zarabiŭ» amal 10 tysiač rubloŭ, pravodziačy fiktyŭnyja zaniatki
U Babrujsku zatrymali treniera adnoj sa spartyŭnych škoł pa padazreńni ŭ machlarstvie, paviedamlaje UUS.
62-hadovy vykładčyk unosiŭ piersanalnyja danyja svaich byłych vučniaŭ u časopis, adznačaŭ ich pośpiechi i naviedvalnaść, robiačy vyhlad, što viadzie zaniatki. Nasamreč nijakich zaniatkaŭ i vučniaŭ nie było — trenier ceły hod atrymlivaŭ zarpłatu na padstavie fiktyŭnych danych, jakija padavaŭ u buchhałteryju.
Za navučalny hod babrujčanin takim čynam zmoh «zarabić» kala 9,5 tysiačy rubloŭ. Mužčynu abvinavačvajuć u machlarstvie ŭ bujnym pamiery — na jaho zaviali kryminalnuju spravu i ŭziali pad vartu.
Kamientary