Miedyki, što zarazilisia COVID-19, pracavali ŭ adździaleńniach nie dla lačeńnia pacyjentaŭ z karanavirusam. Pra heta ŭ efiry STB raspavioŭ kiraŭnik Ministerstva achovy zdaroŭja Uładzimir Karanik, paviedamlaje Tut.by.
— Isnujuć vypadki, kali pa miedycynskuju dapamohu pacyjent źviartajecca ŭ zvyčajnuju palikliniku, choć my ŭvieś čas prosim: kali ŭ vas majucca prykmiety reśpiratornaj infiekcyi, nie treba nikudy chadzić — vykličcie doktara da siabie. Ale ŭ nas usio roŭna časam prychodziać na pryjom u palikliniku, jak sa zvyčajnaj reśpiratornaj virusnaj infiekcyjaj.
Mienavita paśla takich vizitaŭ, pa słovach ministra, i zachvareli daktary. Byli taksama vypadki, kali čałaviek z karanavirusam traplaŭ u ahulnasamatyčnaje adździaleńnie, a tam «miedpiersanał ekipiravany horš».
— I ŭ vyniku my atrymali, što mienavita nie ŭ tych stacyjanarach, dzie akazvajecca miedycynskaja dapamoha [pacyjentam z karanavirusam], a ŭ inšych mielisia fakty infikavańnia miedycynskich rabotnikaŭ.
Uładzimir Karanik paviedamiŭ, što dla praduchileńnia padobnych vypadkaŭ zaraz uzmacniajecca zabieśpiačeńnie srodkami abarony ŭsich stacyjanaraŭ.
— Ciapier naša lohkaja pramysłovaść dadatkova płanuje vypuskać da 1 młn masak u sutki ŭ pačatku nastupnaha tydnia. Heta dazvolić i zadavolić patreby nasielnictva, i papoŭnić zapasy miedycynskich ustanoŭ.
Kamientary