Mieksika pahadziłasia padklučycca da pahadnieńnia APIEK+ ab skaračeńni zdabyčy nafty pry ŭmovie admovy ad zdabyčy 100 tysiač baralaŭ u sutki, pieradaje Reuters sa spasyłkaj na prezidenta krainy Andresa Manuela Łopiesa Abradora. Astatniuju častku doli Mieksiki ŭ skaračeńni zdabyčy voźmuć na siabie Złučanyja Štaty.
U ramkach ździełki ź Mieksikaj ahulnaje skaračeńnie składzie 350 tysiač baralaŭ u sutki.
«Prezident Tramp paviedamiŭ, što Złučanyja Štaty pahodziacca zrezać zdabyču na 250 tysiač baralaŭ u sutki dla taho, kab kampiensavać dolu Mieksiki», — skazaŭ Łopies Abrador.
Krainy APIEK+ nastojvali, kab Mieksika skaraciła abjom zdabyčy nafty na 400 tysiač baralaŭ, adnak napiaredadni kraina nie pahadziłasia z takimi ŭmovami. Z-za pazicyi Mieksiki finalnyja pieramovy pa pahadnieńni byli pieraniesieny na piatnicu 10 krasavika.
Ciapier čytajuć
«Paša, ja tabie nie vieru». Sieviaryniec raskazaŭ, jak vypadkovaja dziaŭčyna matyvavała jaho nazaŭsiody pierajści na biełaruskuju movu3
Kamientary