Za apošni dzień u Šviecyi ad nastupstvaŭ karanavirusa pamierli 114 čałaviek. Pra heta paviedamlajuć sanitarnyja słužby krainy.
Usiaho kolkaść achviar karanavirusa ŭ Šviecyi pieravysiła 1000 čałaviek.
Heta ŭ pieraliku na dušu nasielnictva ŭ 4 razy bolš, čym u susiedniaj Narviehii, i ŭ 8 razoŭ bolš, čym u Finlandyi — krainach z adnolkavymi klimatam, mabilnaściu nasielnictva i tradycyjami, pry tym što karanavirus pranik va ŭsie hetyja krainy adnačasova.
U vyniku ŭ Šviecyi hučyć usio bolš skieptyčnych hałasoŭ, adnosna taktyki, jakuju vybrali epidemijałahičnyja słužby krainy. A jana suvoraja. Karancinnyja zachady ŭ Šviecyi minimalnyja, niašmat u krainie i teścirujuć na karanavirus — mienš, čym u susiedziaŭ. Šviecyja ŭ hetym sensie stała vyklučeńniem na jeŭrapiejskim kantyniencie. Šviedy zychodziać ź niepaźbiežnaści vypracoŭki «hrupavoha imunitetu». Adnak pakul jany płaciać vysokuju canu, mnohija krainy, jakija abrali karancinnyja abmiežavańni, užo bačać śviatło ŭ kancy tunela.
Kolkaść zaražeńniaŭ pajšła na vyraznaje źnižeńnie ŭ Litvie, Łatvii, Słavaččynie, Aŭstryi, Słavienii, Čechii, Hrecyi, Estonii, Finlandyi, Niamieččynie i Šviejcaryi.
Situacyja lepšaja, choć jašče i zastajecca vielmi ciažkaj, u Italii i Ispanii.
U toj ža čas zaražeńni praciahvajuć narastać abo zastavacca stabilna vysokimi ŭ Francyi, Brytanii, Bielhii, Rumynii, Turcyi, Rasii.
U ZŠA łakdaŭn daŭ vynik, i kryvyja pajšli na spad. Zatoje nazirajecca rost kolkaści chvorych i śmierciaŭ u Łacinskaj Amierycy i Azii, dzie sistemy achovy zdaroŭja słabyja, i testaŭ robicca vielmi mała. Tam realnyja prablemy mohuć być našmat bolšyja za statystyčnyja.
-
Tehieran paćvierdziŭ hibiel Ali Łarydžani. Ź jaho źniščeńniem ułada ŭ Iranie moža pierajści ad fanatykaŭ da prahmatykaŭ
-
«Finski palityk», jakoha štodnia cytujuć kramloŭskija i łukašysckija ŚMI, akazaŭsia santechnikam biez hramadzianstva Finlandyi
-
KVIR paćvierdziŭ hibiel kiraŭnika vajenizavanaha apałčeńnia «Basidž»
Kamientary