Ministr Karpienka: Abmiarkoŭvajecca pytańnie ab ssoŭvańni terminaŭ praviadzieńnia ŭstupnaj kampanii
BT anansavała vialikaje intervju ŭ viačernim «Hałoŭnym efiry» ź ministram adukacyi Iharam Karpienkam. U navinach a 15:00 byŭ pakazany jaho anons.
Było zaznačana, što adzinuju płatformu dla školnikaŭ usioj krainy stvorać da kanca hoda, a farmat vypusknych viečaroŭ stanie zrazumieły da kanca maja. Razam z tym datu zakančeńnia navučalnaha hoda źmianiać nie buduć — jon zavieršycca 30 maja. Što tyčycca vypusknych ekzamienaŭ i CT va ŭmovach pandemii, formu mianiać nie buduć.
«Chočam, kab ludziej u aŭdytoryjach było krychu mienš, uzmocnim sanitarnuju apracoŭku tych pamiaškańniaŭ, my zaraz zapuskajem elektronnuju rehistracyju. Heta sprościć situacyju, nie treba budzie chadzić niekalki razoŭ pry zapisie na CT.
U tym liku abmiarkoŭvajem pytańni, pry nieabchodnaści, mahčymaha ssoŭvańnia terminaŭ praviadzieńnia ŭstupnaj kampanii. Ale va ŭsiakim razie pakul budziem nazirać za toj situacyjaj, jakaja razhortvajecca», — skazaŭ ministr u intervju BT.
U bolšaści VNU ŭ hetym hodzie ŭstupnaja kampanija miełasia startavać 16 lipienia, zaličeńnie na biudžetnuju formu da 1 žniŭnia, na płatnuju da 10 žniŭnia, CT maje prajści z 13 červienia pa 4 lipienia.
Apošnim časam u Biełarusi nazirajecca ŭpeŭnieny rost kolkaści zachvarełych na karanavirus. Pa stanie na ranicu 26 krasavika było zafiksavana 10 463 vypadki, pryrost za dzień +817.
Ciapier čytajuć
Pasiarod iranskich bambiožak Dubaja Kirył Rudy pierabraŭsia z Emirataŭ u ZŠA: «Rady złučać kantynienty! Nie saromiejciesia da mianie źviartacca»8
Pasiarod iranskich bambiožak Dubaja Kirył Rudy pierabraŭsia z Emirataŭ u ZŠA: «Rady złučać kantynienty! Nie saromiejciesia da mianie źviartacca»
Babaryka turemščykam: «U mianie było, ciapier niama, ale jość šaniec, što budzie. A ŭ vas nie było, niama i nie budzie. I ŭ vašych dziaciej nie budzie»99
Kamientary