Litva budzie dabivacca sankcyj ES da kampanij-udzielnikaŭ budaŭnictva BiełAES
Litva budzie damahacca ŭviadzieńnia Jeŭrasajuzam sankcyj da kampanij, źviazanych z prajektam Astravieckaj atamnaj elektrastancyi (BiełAES), u tym liku da rasijskaj dziaržkarparacyi «Rasatam». Adpaviednuju rezalucyju 82 hałasami deputataŭ (čaćviora ŭstrymalisia) pryniaŭ u aŭtorak Siejm Litvy, piša tass.ru.
«Zaklikajem urad zabiaśpiečyć, kab ES uvioŭ sankcyi ŭ dačynieńni da apieratara AES, u dačynieńni da «Rasatama» i inšych pradpryjemstvaŭ-pasiarednikaŭ, jakija ŭdzielničajuć u budaŭnictvie i [ŭ budučym] handli brudnaj elektraenierhijaj hetaj AES», — havorycca ŭ rezalucyi.
Hetym dakumientam jaho aŭtary abaviazvajuć litoŭski Kabmin damahacca ad Brusiela abviaščeńnia BiełAES pahrozaj dla nasielnictva krain-siabraŭ Jeŭrasupolnaści i błakavańnia vyrablenaj elektraenierhii. «Nieabchodna damahčysia padtrymki Jeŭrasajuzam pryncypovaj pazicyi Litvy pra niadopusk na jeŭrapiejski rynak elektraenierhii niebiaśpiečnych stancyj trecich krain», — skazana ŭ rezalucyi.
Litva nazyvaje BiełAES niebiaśpiečnaj, bo ličyć, što padčas jaje budaŭnictva nie vytrymlivajucca mižnarodnyja patrabavańni ŭ śfiery jadziernaj enierhietyki. Siejm abviaściŭ BiełAES pahrozaj nacyjanalnaj biaśpieki, a taksama zakanadaŭča zabaraniŭ kuplu i ekspartny propusk jaje elektraenierhii praz svaje elektrasietki.
Pieršy błok BiełAES płanujecca zapuścić sioleta.
Kamientary