Biełaruska Darja raskazała, čamu pryncypova nie pajšła rabić EKA biaspłatna. Kolki ŭ vyniku zapłaciła?
Paśla vialikaj kolkaści sprob zaciažaryć para advažyłasia na praceduru EKA. Jany padličyli zatraty na ŭsie manipulacyi, leki i testy.
Kolki heta kaštavała i čamu sužency admovilisia ad adnoj biaspłatnaj pracedury EKA, dastupnaj hramadzianam Biełarusi, pajšoŭšy adrazu ŭ płatnuju kliniku?
Svajoj historyjaj Darja dzielicca ŭ instahramie.
Siamja abrała dla siabie staličnuju kliniku «Jeva», u dziaržaŭnyja Darja nie chacieła iści pa pryčynie niaŭdałych kantaktaŭ z daktarami adtul, ź jakimi sutykałasia i jana sama, i jaje znajomyja.
«Jak by chto ni kazaŭ, u dziaržaŭnych strukturach staŭleńnie da ciabie horšaje i ŭvahi mienš. Daktary tam dobryja, ja ŭpeŭnienaja, ale jany fizična nie dajuć rady natoŭpam ludziej — pacyjentaŭ tam šmat, usie karystajucca hetaj adnoj dastupnaj biaspłatnaj sprobaj», — ličyć dziaŭčyna.
Pieršy etap EKA-pracedury — pryjomy ŭ repraduktołaha, mazki i analizy, UHD, stymulacyja, punkcyja i padtrymka kaardynataraŭ. Biez uliku koštu preparataŭ jon kaštavaŭ pary 1390 rubloŭ. Heta bazavy, standartny pakiet u klinicy.
Asobna Darja vyrašyła samastojna kupić ihołku dla punkcyj (taja kaštavała 110 biełaruskich rubloŭ) i špryc-ručku dla padskurnych injekcyj za 810 rubloŭ. Dadatkova spatrebiłasia jašče adna ručka, ź jakoj Darji paščaściła, bo jaje addała inšaja biełaruska (na znak padziaki Darja kupiła jaje dziciaci siertyfikat u kramu «Dziciačy śviet»). Sami leki dla stymulacyjnych ukołaŭ abyšlisia ŭ 270 rubloŭ.
«U dzień punkcyi treba było apłacić druhi etap — kultyvacyju, apładnieńnie, kryjakansiervacyju i budučuju razmarozku embryjonaŭ. Heta byŭ samyja vialikija vydatki za ŭsio EKA — 5100 rubloŭ».
Paśla punkcyi dziaŭčynie spatrebilisia dadatkovyja preparaty dla stymulacyi na 485 rubloŭ.
«Pa našaj inicyjatyvie my vyrašyli zrabić preimpłantacyjnaje testavańnie embryjonaŭ (pravierka na hienietyčnyja anamalii jašče da pieranosu ŭ matku). Testavańnie pieršaha embryjona ŭ klinicy kaštuje 2100 rubloŭ, kožny nastupny test — užo 690 rubloŭ. My pakul adpravili na testavańnie try embryjony, heta vyjšła na 3480 rubloŭ», — raskazvaje Darja.
U vyniku za ŭsiu prahramu i preparaty para addała 11 705 rubloŭ.
«My, kaniečnie, byli ŭpeŭnieny, što mienš hrošaj budzie, u vyniku niejak samo nakapała, ale znoŭ ža — hałoŭnaje, kab usio niedaremna», — upeŭnienaja Darja, jaje padtrymlivaje tut i muž, jaki, siarod inšaha dapamahaŭ joj rabić ukoły ŭ žyvot.
U Minsku źjaviŭsia adziny ŭ SND aparat sa štučnym intelektam dla lačeńnia raku
«Hastryt — nie ad ježy». Minski hastraenterołah razburaje stereatypy
U niekalkich krainach uspyški virusa Čykunhuńja. Što heta takoje i ci bajacca biełarusam?
U Kalinkavičach zakryli radzilnaje adździaleńnie — kab naradzić, treba jechać u inšy rajon
Ciapier čytajuć
Halina Dzierbyš kazała prakuroru: «Jak pamru, budu da ŭsich vas nočču prychodzić». I žyćcio ŭžo dahnała jaje sudździu i śviedak. Historyja piensijanierki, jakoj dali 20 hadoŭ kałonii1616
Kamientary
>kupić ihłu --- IHOŁKU