Fon der Lajen vystupiła z ekstrannaj zajavaj z nahody rasijskaj ataki na Kijeŭ: rychtujucca novyja sankcyi
Jeŭrapiejski Sajuz najbližejšym časam zaćvierdzić novy, 19-y pakiet sankcyj suprać Rasii, a taksama abmiarkuje, jak možna najlepšym čynam vykarystać rasijskija zamarožanyja aktyvy dla vajskovaj padtrymki Ukrainy i jaje adnaŭleńnia. Pra heta paviedamiła staršynia Jeŭrakamisii Ursuła fon der Lajen u ekstrannaj zajavie 28 žniŭnia ŭ Bruseli, pryśviečanaj načnoj atacy Rasii na Kijeŭ, pieradaje «Jeŭrapiejskaja praŭda».
Fon der Lajen vystupiła z ekstrannaj zajavaj paśla kryvavaha načnoha pavietranaha napadu rasijan na Kijeŭ.
«Ja aburanaja atakaj na Kijeŭ, jakaja taksama zakranuła našy ofisy. Heta była samaja śmiarotnaja rakietnaja ataka na stalicu ź lipienia», — zajaviła fon der Lajen.
Jana dadała, što mienavita tamu «my praciahvajem akazvać maksimalny cisk na Rasiju».
«Heta aznačaje ŭzmacnieńnie našaha sankcyjnaha režymu. U najbližejšy čas my pradstavim naš 19-y pakiet žorstkich sankcyj», — padkreśliła staršynia Jeŭrakamisii.
«Paralelna my prasoŭvajem pracu nad zamarožanymi rasijskimi aktyvami, kab spryjać abaronie i adnaŭleńniu Ukrainy», — paviedamiła fon der Lajen.
U vyniku ataki nočču 28 žniŭnia byli paškodžany Ofis Jeŭrapiejskaha inviestycyjnaha banka (JEIB) i budynak pradstaŭnictva Jeŭrapiejskaha Sajuza.
Kolkaść zahinułych u vyniku ŭdaru pa Kijevie vyrasła da 15 čałaviek, siarod ich — čaćviora dziaciej.
-
Iranski pasoł paśla sustrečy z Łukašenkam: Amierykanski ŭdar pa škole byŭ achviaraprynašeńniem duchu djabła
-
Izrail nanios udar pa Chamieniei sa strataśfiery. Biez papiaredniaha ŭdaru pa SPA, jak zvyčajna ŭ sučasnych vojnach
-
Źjaviłasia VIDEA tarpiednaha ŭdaru pa iranskim frehacie Dena. Jaho až uźniało nad vadoju
Ciapier čytajuć
Pahražaŭ vajskoŭcam raskryć, chto ź ich homaseksuał, kab vypytać sakrety i pradać Ukrainie. Voś za što adyjozny funkcyjanier BRSM atrymaŭ 17 hadoŭ kałonii1212
Kamientary