U Minsku 9 maja budzie nie tolki parad. Viečaram — maštabny kancert na płoščy Pieramohi
9 maja, akramia śviatočnaha šeścia, budzie kancert. Pačniecca jon u 21.30. Mierapryjemstvam zajmajecca Ministerstva kultury — prahrama ŭsio jašče ŭ stadyi padrychtoŭki, piša Tut.by.
9 maja ŭviečary paśla parada na płoščy Pieramohi adbudziecca kancert. U Ministerstvie kultury pakul nie raspaviadajuć, chto budzie vystupać: «Kancert znachodzicca ŭ stadyi padrychtoŭki».
Viadoma tolki, što siarod vystupoŭcaŭ budzie Alaksandr Saładucha. Pavodle jaho słoŭ, u kancercie buduć pieśni pra harady-hieroi. Saładucha praśpiavaje ab Murmansku.
Śpiavak raspavioŭ, jakija miery abarony ad karanavirusa budzie vykonvać u dzień vystupu.
— Ja, jak zaŭsiody, nadzienu masku. Moj kiroŭca i maje syny nadzienuć maski, i my pryjedziem na miesca parkoŭki. U mascy dajdu da sceny i apracuju mikrafon. Paśla vystupu znoŭ nadzienu masku i pajedu na mašynie dadomu. U hrymiorku zachodzić nie budu, budu dystancyjna ad usich znachodzicca, — raspaviadaje śpiavak.
Jak raspavioŭ muzyka, repietycyja kancertu adbudziecca viečaram 8 maja.
Nam viadoma, što na kancercie nie budzie Prezidenckaha arkiestra, jaki raniej akampanavaŭ vykanaŭcam 9 maja.
Režysior mierapryjemstva Alaksandr Vaviłaŭ admoviŭsia ad kamientaroŭ dla TUT.BY. «Heta nižej za maju hodnaść», — skazaŭ jon.
Zhodna z tendaram na sajcie dziaržzakupak, pasłuhi pa techzabiaśpiačeńni mierapryjemstva abyšlisia ŭ 600 tysiač rubloŭ.
Pa techničnaj kancepcyi afarmleńnia płoščy zrazumieła, što ŭ vierchniaj častcy manumienta zmantujuć panaramny ekran - 46 mietraŭ u daŭžyniu i 7,5 u vyšyniu. Kanstrukcyja budzie padobnaja na letašniuju.
Nasuprać manumienta zmantujuć jašče čatyry dvuchbakovyja ekrany mienšaha pamieru.
U centralnaj častcy płoščy budzie parter na 500 miescaŭ, a vakoł manumienta raźmieściać kala 3 tysiač miescaŭ dla hledačoŭ.
Paśla kancerta 9 maja na 23.00 zapłanavana piratechničnaje šou, zadziejničajuć vosiem punktaŭ.
Pozna ŭviečary Łukašenka parazmaŭlaŭ jašče i z Džonam Koŭłam. Imavierna, havorka išła pra ŭmovy i terminy vyzvaleńnia palitviaźniaŭ2
Kamientary