U Pružanskim rajonie pieršyja 10 vypadkaŭ karanavirusa. Pry hetym u rajonie ŭsiaho 12 bakteryjalnych pnieŭmanij
Pra heta paviedamiŭ hałoŭny doktar Pružanskaj CRB Viktar Daranievič u intervju miascovaj haziecie «Rajonnyja budni».
«Na siońnia ŭ rajonie 10 čałaviek majuć stanoŭčy test na COVID-19. Adzin z pacyjentaŭ źmieščany ŭ izalavany boks infiekcyjnaha adździaleńnia rajbalnicy, dzie prachodzić kompleksnaje lačeńnie ad virusnaj pnieŭmanii. Pacyjent pačuvajecca zdavalniajuča i idzie na papraŭku», — raskazaŭ Daranievič.
U reanimacyi pacyjentaŭ sa stanoŭčym testam na karanavirus niama, nivodny pacyjent nie maje patreby ŭ padklučeńni da aparata ŠVŁ, raskazaŭ doktar.
9 čałaviek znachodziacca na samaizalacyi. Jany nazirajucca daktarami ambułatorna, bo zachvorvańnie ŭ ich praciakaje ŭ bieśsimptomnaj i lohkaj formie.
Hałoŭny doktar adznačyŭ, što ŭ rajonie ŭsiaho ŭ 12 čałaviek ciapier jość zvyčajnaja bakteryjalnaja pnieŭmanija. Z ulikam taho, što ŭ rajonie žyvie 46 tysiač čałaviek, cikava paraŭnać ź ličbami pa Staŭbcoŭskim rajonie, dzie, pry nasielnictvie 39 tysiač, pa aficyjnych źviestkach, było zarehistravana 270 pnieŭmanij.
Doktar raskazaŭ, što rajbalnica hruntoŭna padrychtavałasia da epidemii. U joj stvoranyja dva pryjomnyja pakoi — asobny dla kavidnych i asobny dla niekavidnych chvorych. Na vypadak usplosku zachvorvańniaŭ balnica zdolnaja pavialičyć kolkaść łožkaŭ dla karanavirusnych chvorych na 100 miescaŭ.
Raniej «Naša Niva» paviedamlała, što biznes i žychary Pružanaŭ na samym starcie epidemii zabiaśpiečyli balnicu dadatkovaj aparaturaj, u tym liku darahim aparatam štučnaj vientylacyi lohkich.
Ciapier čytajuć
U biełaruskija pašparty buduć upisvać hrupu kryvi11
Kamientary