12 maja Alaksandr Łukašenka prakamientavaŭ situacyju ź pieravodam pacyjentaŭ ź infiekcyjnych balnic u sanatoryi, piša sb.by.
«Chaču adreahavać na niekatoryja pisańni — heta sapraŭdy tak ci čarhovyja fejki? — što ŭ niekatorych balnicach (i pryvodziać u prykład Hrodzienskuju vobłaść, jakaja ŭ nas bolš-mienš biesprablemnaja), daktary vypisvajuć z balnic ludziej, što nie vylečylisia, na dalečvańnie ŭ sanatoryi. Ja chaču, kab usie razumieli, u čym sutnaść: my lečym ludziej u balnicach. I majo niepachisnaje, žorstkaje patrabavańnie da Ministerstva achovy zdaroŭja i kankretna kalektyvaŭ balnic: ni ŭ jakim razie ŭ infiekcyjnych balnicach nie pieratrymlivać ludziej, što vyzdaraŭlivajuć», — skazaŭ Łukašenka.
«Taja isteryja, jakaja stvaryłasia vakoł hetaha virusa, psichałahična dušyć čałavieka… I jon dumaje: vyžyvu ja ci nie vyžyvu? Kali jość narmalnaja dynamika ŭ lačeńni chvorych u balnicach biespasiarednie, daktary bačać, što čałaviek narmalna siabie adčuvaje, mnoju pryniata rašeńnie: kali jon (pacyjent) pajšoŭ na vyzdaraŭleńnie — my jaho pieravodzim na sanatorna-kurortnaje lačeńnie. My pieramiaščajem jaho ŭ zaležnaści ad stanu (u budučyni) u Aksakaŭščynu i špital invalidaŭ Vialikaj Ajčynnaj vajny», — adznačyŭ Łukašenka.
Jon taksama adznačyŭ, što ŭ Minsku stvorana 270 bryhad, jakija kantralujuć stan tych chvorych u lohkaj ci bieśsimptomnaj formie, jakija znachodziacca na izalacyi pa miescy žycharstva.
Kamientary