U Salihorsku pamior doktar. Pa simptomach — COVID-19, ale test admoŭny
U Salihorsku pamior doktar centralnaj rajonnaj balnicy Uładzimir Ivanavič Pisaryk. Kalehi nazyvajuć jaho čałaviekam ź vialikaj litary i kiraŭnikom ad Boha. Pavodle infarmacyi TUT.BY, test na karanavirus u jaho byŭ admoŭny, choć simptomy zachvorvańnia byli.
— Jon nikoli nie pakidaŭ biez uvahi našy prośby, jon staraŭsia dapamahać i čužym, i svaim. My zapomnili jaho vielmi spahadnym, dušeŭnym čałaviekam. U pracy jon byŭ śpiecyjalist ź vialikaj litary: piśmienny, tałkovy, vykanaŭčy, usio viedaŭ. Heta była encykłapiedyja, na luboje pytańnie — pravilny adkaz, — kaža zahadčyca kabinieta ŭliku i statystyki Salihorskaj CRB Alina Piatkievič.
Pavodle jaje słoŭ, Uładzimir Ivanavič, doŭhi čas pracavaŭ namieśnikam hałoŭnaha doktara pa pracy z nasielnictvam, potym vyjšaŭ na piensiju i na praciahu dvuch apošnich hadoŭ pracavaŭ zahadčykam arhanizacyjna-mietadyčnaha kabinieta.
Jamu było 63 hady. U aŭtorak, 19 maja, jaho pachavali.
— Heta byŭ čałaviek ź vialikaj litary, kiraŭnik ad Boha. My ŭsie płačam, — kaža surazmoŭca.
Ci byŭ u miedyka karanavirus, u balnicy nie kažuć, spasyłajučysia na miedyčnuju tajamnicu. Pavodle infarmacyi TUT.BY, test na COVID-19 byŭ admoŭny, choć simptomy byli padobnyja ź simptomami karanavirusa. Miedyk lažaŭ u reanimacyi.
Ciapier čytajuć
Biełaruska nabiła na ciele partrety Łukašenki i jaho synoŭ, Umki, Pucina dy Si Czińpina15
Kamientary