Lidar «Zubra» viarnuŭsia ŭ Biełaruś paśla 10-hadovaj emihracyi. I ŭvajšoŭ u kamandu «Če» Čeračnia
Źmicier Barodka źjechaŭ u Polšču 25 śniežnia 2010 hoda. Adbyłosia heta adrazu paśla prezidenckich vybaraŭ 2010 hoda i razhonu Płoščy. Na tych vybarach Barodka byŭ u kamandzie kandydata Andreja Sańnikava, tamu aścierahaŭsia pieraśledu.
U Biełaruś Źmicier Barodka byŭ adnym z kiraŭnikoŭ moładzievaha ruchu «Zubr», a taksama lidaram demakratyčnaj supolnaści Barysava.
U Biełaruś Źmicier viarnuŭsia ŭ pačatku hetaha hoda. Kaža, što staŭ pryjazdžać na radzimu z 2015 hoda, ale nie moh tut znajści pracy. Zasnavaŭ u Polščy firmu, jakaja zajmałasia rekrutynham hramadzian Biełarusi dla pracy ŭ Polščy.
«U mianie tut siamja, dzieci, tamu zaŭsiody imknuŭsia viarnucca ŭ Biełaruś. Spadziajusia, ciapier na pastajanna», — kaža Źmicier.
Na sioletnich prezidenckich vybarach Źmicier Barodka staŭ adnym z kaardynataraŭ kampanii Siarhieja Čeračnia. «Ja siabra partyi «Hramada» ad 2007 hoda. Stanisłaŭ Šuškievič asabista prasiŭ mianie dapamahčy kandydatu ad partyi. A potym sam Siarhiej pryjechaŭ da mianie ŭ Barysaŭ, kab zaprasić u kamandu. Čeračań zaprašaŭ da siabie ŭ kamandu ŭsich kaardynataraŭ asabista, taki padychod padkuplaje», — kaža Barodka.
Na vychadnych Źmicier byŭ na pikietach Čeračnia ŭ Hrodnie, Mahilovie i Škłovie.
Ciapier čytajuć
«Zapuskajcie dalej saluty, a ja vykliču milicyju». Biełarusy spračajucca pra zabaronu na fiejervierki8
Kamientary