Łukašenka: My jašče nie viedajem, dzie toje dno i kali jano nastupić
Łukašenku pradstavili prajekt ukaza ab apłacie pracy biudžetnikaŭ. Havorka idzie ab arhanizacyjach, jakija zarablali na pazabiudžetnaj dziejnaści, heta značyć akazvali płatnyja pasłuhi nasielnictvu. Heta, naprykład, miedycynskija ŭstanovy, spartyŭnyja, a taksama śfiera kultury. Praz epidemijałahičnuju situacyju popyt na pasłuhi ŭpaŭ. U vyniku arhanizacyi sutyknulisia ź ciažkaściami ŭ vypłacie zarobkaŭ, paviedamlaje STB.
Łukašenka zajaviŭ:
— Hety virus i pandemija paŭpłyvali na haliny adpaviednyja, na ekanomiku, u tym liku i na śfieru akazańnia pasłuh. U hetym vypadku — pasłuhi, jakija akazvajuć biudžetnyja arhanizacyi. Naprykład, niejki spartovy abjekt akazvaŭ pasłuhi, za heta nasielnictva płaciła. U suviazi z karanavirusam nasielnictva mienš stała naviedvać ci ŭvohule nie naviedvaje hety spartyŭny abjekt. Paŭstała pytańnie: a z čaho płacić zarpłatu ludziam, jakija akazvali hetyja pasłuhi? I hetak dalej, heta ja adzin taki prykład pryvioŭ.
Na hety kont ja ŭžo vykazvaŭsia. My jašče nie viedajem, dzie toje dno i kali jano nastupić. Jak budzie raźvivacca ŭ śviecie — sprava nie ŭ Biełarusi navat ciapier — situacyja epidemičnaja. I kali my ciapier pačniom akazvać usim, chto moža pracavać, ale nie pracuje ŭ siłu hetaj situacyi, to, nie daj boh, heta praciahniecca da zimy — što my budziem rabić u kastryčniku?
Cichanoŭskaja: Dzieci nie pierajechali ŭ ZŠA, a prosta časova buduć z tatam dziela biaśpieki39
Kamientary