Mama Siarhieja Cichanoŭskaha pra $900 tysiač: Ja navat ŭ strašnym śnie nie bačyła takich hrošaj
4 červienia paśla načnoha vobšuku na leciščy maci zatrymanaha Siarhieja Cichanoŭskaha MUS paviedamiŭ, što tam znojdziena 900 tysiač dalaraŭ ZŠA.
«Narodnaja vola» patelefanavała maci Siarhieja Sofji Cichanoŭskaj:
— Ja ŭžo nie viedaju, što kazać pra vobšuk, ja ŭ šokavym stanie. Mašyn stolki najechała. Milicyja, śledčyja. Tam taki natoŭp byŭ, što skažaš što chočaš. Moža paŭtara dziesiatka čałaviek było, i nieviadoma, chto i što tam rabiŭ. … Ja dahetul tołkam nie adyšła ad šoku, ad hetaha vobšuku. Učora ž jany nie davali mnie spać. Ličy, usiu noč nie spali. Pryhałomšany stan, nie ŭsio razumieła. Stajali, ličyli hrošy. Ja i ciapier nie ŭsprymaju tuju sumu, jakuju jany nazyvali i pakazvali.
Usio akuratnieńka, u bankaŭskaj upakoŭcy. Ja navat u strašnym śnie nie bačyła takich hrošaj. Treba ž niejak pravieryć pa kupiurach, ź jakoha banka jany heta ŭsunuli. Vopis mnie dali, ale nie ŭvieś. Nie viedaju navat, jak heta pravieryć. U mianie ruki i nohi trasucca. Jak možna ludziam usunuć stolki hrošaj u dom? I što heta naohuł takoje? Brydotniki!
Ivan Prus raskazaŭ, jak nažyŭsia na $200, pasialiŭšy kinazorku ŭ zaniadbanaj kvatery kala śmietnika ŭ Šabanach, abstaŭlenaj rečami ź jaho internata1616
Ivan Prus raskazaŭ, jak nažyŭsia na $200, pasialiŭšy kinazorku ŭ zaniadbanaj kvatery kala śmietnika ŭ Šabanach, abstaŭlenaj rečami ź jaho internata16
Topavy pierakładčyk pajechaŭ u Biełaruś mianiać pašpart — i sieŭ za danaty. «KDB pahladzieŭ na sumu i vyrašyŭ, što nichto ŭ zdarovym rozumie nie moža vydatkavać stolki ŭłasnych hrošaj»1313
Kamientary