Mižnarodny valutny fond prahnazuje surjoznyja vyprabavańni dla biełaruskaj ekanomiki, źviazanyja z pahašeńniem uziatych finansavych zabaviazańniaŭ: u 2009 hodzie Biełarusi spatrebicca 10,7 miljardaŭ dalaraŭ kredytaŭ.
Mižnarodny valutny fond prahnazuje surjoznyja vyprabavańni dla biełaruskaj ekanomiki, źviazanyja z pahašeńniem uziatych finansavych zabaviazańniaŭ: u 2009 hodzie Biełarusi spatrebicca 10,7 miljardaŭ dalaraŭ kredytaŭ.
Jak piša «BDH», u Miemarandumie ab ekanamičnaj i finansavaj palitycy, u jakim biełaruski ŭrad tłumačyć metazhodnaść pryciahnieńnia srodkaŭ MVF, havorycca pra toje, što ŭ 2009 hodzie Biełaruś nie čakaje istotnych vynikaŭ ad pracesu libieralizacyi ekanomiki. Na dumku ŭradu, praces libieralizacyi ŭ 2009 hodzie jašče nie dazvolić dasiahnuć adčuvalnaha prahresu ŭ pryciahnieńni ŭ krainu zamiežnych inviestycyjaŭ.
«Niahledziačy na našy vysiłki pa libieralizacyi ekanomiki i pryciahnieńni pramych zamiežnych inviestycyjaŭ, my nie čakajem u 2009 hodzie istotnaha prahresu ŭ našym dostupie da zamiežnaha finansavańnia», — havorycca ŭ Miemarandumie ab ekanamičnaj i finansavaj palitycy, jaki padrychtavaŭ biełaruski ŭrad.
U Miemarandumie ab ekanamičnaj i finansavaj palitycy biełaruski ŭrad abiacaje ŭ 2009 hodzie zrabić kroki ŭ bok palapšeńnia biznes-klimatu.
«My taksama nastrojenyja pavialičyć vobłaść dla dziejnaści pryvatnaha siektaru, adkryć ekanomiku dla zamiežnych inviestycyjaŭ i palepšyć dziełavy klimat», — adznačajecca ŭ dakumiencie.
Dla vykanańnia vyšej nazvanych zadačaŭ biełaruski ŭrad u 2009 hodzie maje namier źnižać dla biznesu padatkovy ciažar, skaračać kantrol za vytvorčymi pradpryjemstvami, a taksama paskoryć pryvatyzacyju. Biełaruskija ŭłady pahadzilisia, što libieralizacyja pavinna być pryjarytetam ekanamičnaj palityki krainy.
«Biełaruskija ŭłady i fond pahadzilisia, što ekanamičnaja libieralizacyja pavinna stać pryjarytetam», — havorycca ŭ Miemarandumie ab uzajemarazumienńni biełaruskaha ŭradu i MVF. U dakumiencie taksama adznačajecca, što biełaruskija ŭłady pahadzilisia pavyšać rolu pryvatnaha biznesu ŭ krainie.
MVF čakaje, što napieradzie Biełaruś čakajuć davoli surjoznyja vyprabavańni, źviazanyja z pahašeńniem uziatych finansavych zabaviazańniaŭ. Pavodle acenak fondu, Biełaruś «sutykniecca ź vialikimi patrebami ŭ finansavańni». Užo ŭ 2009-m, pavodle acenak fondu, Biełarusi spatrebicca 10,7 młrd dalaraŭ. Takuju ličbu fond vyvieŭ na padstavie patreby Biełarusi ŭ enierharesursach i nieabchodnaści pahašać zamiežnuju zapazyčanaść za minułyja hady.
Nahadajem, što vykanaŭčaja rada dyrektaraŭ MVF 12 studzienia ŭchvaliła vyłučeńnie Biełarusi kredytu ŭ pamiery 2,46 młrd dalaraŭ. Srodki, jak čakajecca, buduć pastupać u Biełarusi niekalkimi tranšami. Pieršaja tranša ŭ pamiery 788 młn dalaraŭ u Biełaruś pastupiŭ u studzieni. Čakajecca, što druhaja tranša pastupić u Biełaruś da 15 maja. U vypadku, kali biełaruskamu boku ŭdasca vykanać patrabavańni fondu, treciaja tranša nadydzie da 15 žniŭnia, čaćviertaja — da 15 listapada. Apošniuju, piatuju tranšu, MVF maje namier nakiravać u Biełaruś da 15 lutaha 2010 hodu.
«Miesiacami ŭ kabinie, na siabie zabiŭ. I staŭ pytać: moža, žonka taksama budzie pracavać?». Čamu emihracyja raźbivaje siemji i što rabić, kab usio papravić3434
Kamientary