Kanapackaja pachvaliła artykuł Paźniaka, u jakim jon nazvaŭ jaje spojleram biez podpisaŭ na kantrakcie KDB
Pretendentka ŭ prezidenty Hanna Kanapackaja salidaryzavałasia ź lidaram KCHP-BNF Zianonam Paźniakom.
«Nikoli nielha abirać na prezidenta bankira, dy jašče kiraŭnika mafijoznaha banka čužoj krainy. Heta hrob dla Biełarusi», — napisaŭ Paźniak u čarhovym prahramnym artykule.
«U hetym vypadku ja nie mahu nie pahadzicca s Zianonam Stanisłavavičam. Žyvie Biełaruś!» — adkazała Kanapackaja ŭ fejsbuku.
Admietna, što ŭ tym ža artykule Paźniak žorstka prachodzicca i pa samoj Kanapackaj.
«Sapraŭdnyja podpisy ŭžo sabrała tolki Śviatłana Cichanoŭskaja. I choć jana pakul što nie stvaraje niebiaśpieki dla vybaraŭ uzurpatara, ale i ad jaje mohuć pazbavicca, nachłusiŭšy, kolki treba. Tut užo nie vybary, ale vajna z vybarščykami i pretendentami.
U atmaśfiery hetaj vajny dziravaść uładnaj sistemy režymu vyjaŭlajecca jak nikoli. Užo prasačylisia (adkul treba) i abjaŭlenyja ŭ ŚMI źviestki, chto z pretendentaŭ padpisaŭ kantrakty z KHB ab supracy na «spojlerstva» (Kanapackaja, Dzimitryjeŭ, Čeračań). Podpisaŭ jany nie sabrali i ŭžo nie źbiaruć. Ale, jak heta rabiłasia ŭ 2010 hodzie, — im namalujuć», — miarkuje Paźniak.
Zahinuŭ biełaruski dobraachvotnik Vasil «Dzir» Rapicki11
Kamientary