Lidziju Jarmošynu pryznali paciarpiełaj pa spravie Cichanoŭskaha
Śledčy kamitet pryznaŭ staršyniu Centrvybarkama Lidziju Jarmošynu paciarpiełaj u miežach kryminalnaj spravy błohiera Siarhieja Cichanoŭskaha, paviedamlaje «Jeŭraradyjo».
Jarmošynu vyklikali ŭ SK dla dačy pakazańniaŭ kala dvuch tydniaŭ tamu, paśla taho jak jana napisała zajavu na Cichanoŭskaha. Usio praz toje, što 27 traŭnia ŭ Mahilovie błohier prapanavaŭ arhanizavać pikiet pa zbory podpisaŭ za vyłučeńnie ŭ prezidenty svajoj žonki Śviatłany kala doma kiraŭnika Centrvybarkama i «zaadno zajści da jaje ŭ hości».
Lidzija Jarmošyna paličyła heta pahrozaj. U Śledčym kamitecie jana skazała, što «spadar Cichanoŭski pahražaŭ pryjści da jaje dadomu bieź jaje zhody, što źjaŭlajecca ciskam i pahrozaj jaje biaśpiecy».
Jašče adna pretenzija Lidzii Jarmošynaj — heta słova «prystuknuć», jakoje vykarystoŭvajecca na pikietach pa zbory podpisaŭ za Śviatłanu Cichanoŭskuju. Na dumku kiraŭnika CVK, «prystuknuć» —heta sinonim słovaŭ «zabić» i «źniščyć». To-bok taksama pahroza.
«Heta pramaja pahroza, jakaja ŭžo napisanaja na pikiecie pa zbory podpisaŭ. Heta mirny pikiet?» — aburałasia Jarmošyna.
U Śledčy kamitet kiraŭnica CVK źviartałasia z prośbaj pravieryć, ci nie parušyŭ Siarhiej Cichanoŭski artykuł 191 KK Biełarusi — «Pieraškoda praviadzieńniu vybaraŭ Centralnaj i inšymi vybarčymi kamisijami, u tym liku šlacham pahroz».
Aŭtara Youtube-kanała «Kraina dla žyćcia» Siarhieja Cichanoŭskaha zatrymali 29 traŭnia ŭ Hrodnie na pikiecie pa zbory podpisaŭ za vyłučeńnie jaho žonki Śviatłany Cichanoŭskaj kandydatam u prezidenty. Cichanoŭskamu i jašče siami hramadzianam vystaŭlenaje abvinavačvańnie pa č. 1 art. 342 KK (Arhanizacyja i padrychtoŭka dziejańniaŭ, jakija hruba parušajuć hramadski paradak). Taksama ŭ dačynieńni da Siarhieja zaviali kryminalnuju spravu pa artykule 191 KK (Pieraškoda vybaram), jaki i zhadvała Lidzija Jarmošyna.
Ciapier čytajuć
«Tolki try čałavieki buduć viedać pra vas. Samy pieršy čałaviek krainy». Źjavilisia zapisy razmoŭ špijonki Iny Kardaš z kurataram25
«Tolki try čałavieki buduć viedać pra vas. Samy pieršy čałaviek krainy». Źjavilisia zapisy razmoŭ špijonki Iny Kardaš z kurataram
«Łukašenka pavinien panieści adkaznaść za saŭdzieł u rasijskaj ahresii». Ministr zamiežnych spraŭ Ukrainy raskazaŭ pra novuju palityku ŭ dačynieńni da Biełarusi2424
Kamientary