ES raskrytykavaŭ biełaruskija ŭłady za admovu rehistravać alternatyŭnych kandydataŭ
Jeŭrapiejski Sajuz asudziŭ rašeńnie Centralnaj vybarčaj kamisii Biełarusi admović u rehistracyi alternatyŭnym kandydatam. Pra heta havorycca ŭ zajavie kiraŭnika dypłamatyčnaha viedamstva ES Žazepa Barela.
«Advolnaje vyklučeńnie kandydataŭ abmiažoŭvaje mahčymaść biełaruskamu narodu vykazać svaju volu i padryvaje ahulnuju cełasnaść i demakratyčny charaktar vybaraŭ. Admaŭlajučy ŭ rehistracyi Viktaru Babaryku i Valeryju Capkału, biełaruskaja ŭłada nie zmahła zabiaśpiečyć źmiastoŭnyja i kankurentnyja palityčnyja spabornictvy», — havorycca ŭ zajavie.
ES čakaje, što Biełaruś budzie pavažać pravy biełaruskich hramadzian na svabodu słova i mirnych schodaŭ na praciahu tydniaŭ pierad vybarami.
«ES zastajecca prychilnikam uzmacnieńnia ŭzajemadziejańnia ź biełaruskim narodam i hramadzianskaj supolnaściu. My padtrymlivajem niezaležnaść i suvierenitet Biełarusi, ale pravy čałavieka i demakratyja buduć zastavacca na piarednim płanie dla ES pry farmiravańni palityki ŭ dačynieńni da krainy», — adznačyli ŭ Brusieli.
Apytanka
Ciapier čytajuć
Ad pryvatnikaŭ patrabujuć zavieści ideołaha ŭ štacie — raspytali, što robiać kampanii17
Kamientary