Ministerstva zamiežnych spraŭ nakiravała zaprašeńni ŭ adras mižnarodnych arhanizacyj, jakija ažyćciaŭlajuć nazirańnie za vybarami. Pra heta zajaviŭ žurnalistam načalnik upraŭleńnia infarmacyi i ličbavaj dypłamatyi MZS Anatol Hłaz, paviedamlaje BiełTA.
Pradstaŭnik MZS, u pryvatnaści, prakamientavaŭ infarmacyju, jakaja źjaviłasia, što BDIPČ ABSIE nie płanuje ažyćciaŭlać nazirańnie za prezidenckimi vybarami ŭ Biełarusi. Jon adkazaŭ na pytańnie, ci zaprašaŭ biełaruski bok naziralnikaŭ.
«Tak, sapraŭdy, rašeńnie BDIPČ stała dla nas prykraj niečakanaściu. Ščyra spadziajomsia, što jano budzie pierahledžana. Bo siońnia, dakładna ŭ dzień paśla rehistracyi kandydataŭ, u poŭnaj adpaviednaści z raniej zroblenymi publičnymi zajavami MZS nakiravała zaprašeńni na vybary ŭ adras Biuro pa demakratyčnych instytutach i pravach čałavieka ABSIE, SND i Šanchajskaj arhanizacyi supracoŭnictva. Heta našy tradycyjnyja partniory pa nazirańni za vybarami. My ni na krok nie adstupajem ad svaich zapeŭnieńniaŭ i abaviazacielstvaŭ, u tym liku ŭ miežach ABSIE», — zajaviŭ Anatol Hłaz.
Jon padkreśliŭ, što Biełaruś nikoli nie pravodziła vybary biez nazirańnia.
Kamientary