«Jon prosta ramantavaŭ rovar». U centry Hrodna milicyja zatrymała viełasipiedystaŭ
15 lipienia kala 20:00 na Savieckaj płoščy supracoŭniki AMAPa zatrymali dvuch viełasipiedystaŭ, jakija ramantavali rovar. Pa słovach vidavočcaŭ, viełasipiedysty ničoha nie vykrykvali, paviedamlaje Hrodna.life.
U hety dzień u Hrodnie, zhodna z paviedamleńniami telegram-kanałaŭ, pavinny byŭ prajści niesankcyjanavany viełaprabieh, ale praz adsutnaść udzielnikaŭ jon nie adbyŭsia. Niahledziačy na heta, milicyja i supracoŭniki DAI spyniali ravarystaŭ u centry horada.
Dvuch hrodziencaŭ zatrymali na Savieckaj płoščy. Adzin ź ich — hrodzienski spartsmien Siarhiej Nikulin.
«Chłopcy siadzieli na łaŭcy i naładžvali rovar. Paśpieli źniać koła, jak da ich padjechaŭ bus i adtul vyjšli try čałavieki ŭ cyvilnym adzieńni. Tak voś i zatrymali. Viełasipiedysty ničoha nie vykrykvali», — raspavioŭ śviedka zatrymańnia.
Ciapier čytajuć
Topavy pierakładčyk pajechaŭ u Biełaruś mianiać pašpart — i sieŭ za danaty. «KDB pahladzieŭ na sumu i vyrašyŭ, što nichto ŭ zdarovym rozumie nie moža vydatkavać stolki ŭłasnych hrošaj»
Kamientary