Prezident Polščy padpisaŭ zakon, jaki admianiaje termin daŭnaści za złačynstvy časoŭ kamunizmu (1944-1990 hady), paviedamlaje «Polskaje radyjo».
Prezident Polščy Andžej Duda padpisaŭ zakon, jaki admianiaje termin daŭniny za złačynstvy časoŭ kamunizmu ŭ Polščy (1944-1990 hady). Prakurory Instytuta nacyjanalnaj pamiaci Polščy zmohuć pryciahvać da adkaznaści ludziej, adkaznych za złačynstvy kamunistyčnaha režymu ŭ Polščy.
Narmatyŭnyja akty, jakija dziejničajuć na hety momant, praduhledžvajuć, što termin daŭnaści dla złačynstvaŭ kamunistyčnaha režymu pačynaje dziejničać z 1 žniŭnia 1990 hoda i što pakarańnie spyniajecca praz 40 hadoŭ u vypadku zabojstva, vajennaha złačynstva ci złačynstva suprać čałaviečnaści i praz 30 hadoŭ — u vypadku inšaha złačynstva. Takim čynam, z 1 žniŭnia hetaha hoda za inšyja złačynstvy nie było b pakarańnia.
Jak napisana ŭ tłumačalnaj zapiscy da zakona, «abaviazkam demakratyčnaj dziaržavy źjaŭlajecca asudžeńnie złačynstva, ździejśnienaha pry tatalitarnym (aŭtarytarnym) režymie i nie pakaranaha raniej pa palityčnych matyvach».
Kamientary