U Ščučynskim rajonie ratavalniki vyzvalili sa śmiarotnaha pałonu buślania
23 lipienia ŭ Ščučynski rajonny adździeła MNS pastupiŭ niezvyčajny zvanok. Žycharka vioski Stadalany paviedamiła, što dapamoha patrebna maładomu busłu. Prośba nie zastałasia biez uvahi, choć vyratavańnie ptušak i žyvioł nie ŭvachodzić u abaviazki rabotnikaŭ MNS. Praź niekalki chvilin rabotniki pažarnaha avaryjna-vyratavalnaha pasta №16 užo byli pad lichtarnym słupom, naviersie jakoha busły zładzili hniazdo.
Akazałasia, što buślania zabłytałasia ŭ sintetyčnaj viaroŭcy, jakuju jaho baćki vykarystoŭvali dla budaŭnictva hniazda. Ptuška nie mahła ni viarnucca ŭ hniazdo, ni adčapicca, i ŭ padviešanym stanie stračvała siły. Ratavalniki ŭstalavali trochkalennuju leśvicu, padnialisia navierch i vyzvalili ptušku. Paškodžanuju łapku pradezynficyravali i zabintavali. Ciapier ptuška znachodzicca na reabilitacyi ŭ vieterynara.
Kamientary