Andrej Dźmitryjeŭ vystupiŭ z pasłańniem deputatam i narodu na płoščy Niezaležnaści
Kandydat u prezidenty Andrej Dźmitryjeŭ u 9:00 vystupiŭ na płoščy Niezaležnaści z pasłańniem biełaruskamu narodu i deputatam, paviedamlaje Jeŭraradyjo.
Jon nahadaŭ im, što parłamient maje prava pryznačać vybary. Dźmitryjeŭ prapanavaŭ deputatam pryznačyć novyja vybary — biez palitviaźniaŭ, z sumlennym padlikam hałasoŭ.
«Ale vybary nie buduć sumlennymi, kali my pamianiajem tolki prezidenta, a pakiniem deputataŭ», — dadaŭ palityk. Jon prapanavaŭ deputatam rychtavacca i da novych parłamienckich vybaraŭ.
Dźmitryjeŭ zajaviŭ, što treba razabracca ź minułym, kab iści ŭ budučyniu. U pryvatnaści, jon prapanavaŭ stvaryć parłamienckuju kamisiju pa rasśledavańni karanavirusa. Pa słovach palityka, my pavinnyja viedać usich, chto chłusiŭ padčas epidemii zamiest taho, kab davać praŭdzivuju infarmacyju i dapamahać u zmahańni z raspaŭsiudam infiekcyi.
Jon zhadaŭ błohiera-traktarysta z Chojnikaŭ Jaŭhiena Vasilkova, asudžanaha za svaje videasiužety, a taksama vializnyja rachunki, vystaŭlenyja Čyrvonamu kaściołu ŭ Minsku. «Heta adbyłosia paśla zaklikaŭ katolikaŭ ličyć hałasy na vybarach sumlenna», — zajaviŭ Dźmitryjeŭ.
Kandydat u prezidenty zaklikaŭ iści na hałasavańnie tolki 9 žniŭnia.
«Kali raptam buduć sumlennyja vybary, ja nabiaru 10%». Na sustreču ź Dźmitryjevym va Uździe pryjšło 11 čałaviek REPARTAŽ
Ciapier čytajuć
Pasiarod iranskich bambiožak Dubaja Kirył Rudy pierabraŭsia z Emirataŭ u ZŠA: «Rady złučać kantynienty! Nie saromiejciesia da mianie źviartacca»6
Pasiarod iranskich bambiožak Dubaja Kirył Rudy pierabraŭsia z Emirataŭ u ZŠA: «Rady złučać kantynienty! Nie saromiejciesia da mianie źviartacca»
Babaryka turemščykam: «U mianie było, ciapier niama, ale jość šaniec, što budzie. A ŭ vas nie było, niama i nie budzie. I ŭ vašych dziaciej nie budzie»99
Kamientary