U Homieli zatrymali nastaŭnicu Inu Barysienku. Pavodle jaje dački Taćciany, maci paniesła na vulicu śmiećcie i źnikła, piša Radyjo Svaboda.
«Heta było niedzie kala 13.30. Maci paniesła śmiećcie, u chatnim adzieńni, i nie viarnułasia. Ja čakała, dumała, mo z susiedziami razmaŭlaje. Ale prajšło dvaccać chvilin — jaje niama. Ja vyjšła na vulicu — nidzie nikoha. Praz chvilin dvaccać maci patelefanavała i skazała, što jana ŭ Centralnym RAUS», — skazała Taćciana.
Jana dadała, što maci chadziła na akcyi pratestu ŭ Miensku i Homieli i davała intervju niezaležnym ŚMI.
Ciapier dačka staić pad RAUS, ale milicyjanty admaŭlajucca dać joj infarmacyju, što z maci i kali jana vyjdzie. «Bolš za try z pałovaj hadziny ja staju pad RAUS, mnie nichto ničoha nie kaža. Tolki skazali, što «kali tvaja maci vyjdzie — ty jaje ŭbačyš», — dadała dziaŭčyna.
Ciapier čytajuć
«Patrabavali, kab ja z kalehami pry dzieciach pa-biełarusku nie razmaŭlała». Ci sutykajucca biełaruskamoŭnyja z bulinham u krainie27
Kamientary