U viečarovaj «Panaramie» za 26 žniŭnia źjaviłasia novaja rubryka — «iraničny» kamientar karespandentki Maryi Piatraški. Jaje manałoh adznačyŭsia hrubym fejkam.
«Inicyjatyva «Hołas», stvoranaja abjadnanym štabam, choć i apracavała tolki častku ahulnaj kolkaści biuleteniaŭ, ale i tam lidziruje Alaksandr Łukašenka! To-bok atrymlivajecca, što kandydataŭ mnoha, rachunkavodaŭ mnoha, a prezident adzin», — zajaviła Maryja Piatraška. Na ekranie ŭ hety čas demanstravałasia ličba 61,7%.
Padobnyja ličby nazvaŭ i eks-ministr achovy zdaroŭja, staršynia Hrodzienskaha abłvykankama Uładzimir Karanik padčas sustrečy na «Hrodna-Azocie». «Kolki płatforma «Hołas» pakazała za Alaksandra Ryhoraviča? 63%, pa-mojmu», — zajaviŭ jon pad śmiech zały.
A što ŭ realnaści? Stvaralniki płatformy «Hołas» śćviardžajuć, što majuć 1 047 933 pravieranych hałasoŭ. Hetyja ŭnikalnyja mabilnyja numary, jakija zarehistravalisia ŭ sistemie i vybrali taho ci inšaha kandydata. 96% ź ich dekłaravali, što hałasujuć za Cichanoŭskuju. Za Łukašenku — tolki 0,96%.
Kali ŭličvać tolki dasłanyja fota biuleteniaŭ — a Maryja Piatraška kaža mienavita pra «apracavanyja biuleteni», — situacyja źmianiajecca niepryncypova. Dasłany 554 881 biuleteń z hołasam za Cichanoŭskuju (98%) i 681 biuleteń za Łukašenku (0,12%).
Adkul ža ŭziałasia ličba «61,7%»? Stolki nibyta nabraŭ Łukašenka, kali sumiravać pratakoły z 1310 učastkaŭ, jakija akazalisia ŭ rasparadžeńni «Hołasa».
Ale stvaralniki płatformy adznačajuć, što hety vynik nie moža ličycca praŭdzivym, bo jość dokazy falsifikacyj na minimum 400 učastkach z hetych 1310.
Kolkaść dasłanych biuleteniaŭ za Cichanoŭskuju na hetych učastkach pieravyšaje ličbu, zapisanuju ŭ pratakoł.
Ciapier čytajuć
Tramp zajaviŭ, što iduć pieramovy pra vyzvaleńnie jašče 50 biełaruskich palitviaźniaŭ, i nazvaŭ ich «zakładnikami»4
Tramp zajaviŭ, što iduć pieramovy pra vyzvaleńnie jašče 50 biełaruskich palitviaźniaŭ, i nazvaŭ ich «zakładnikami»
«Jak Volski prychodziŭ ź pieratrusam da Kołasa, a Krapiva i Hlebka danosili na kaleh». Apublikavanyja žachlivyja ŭspaminy Ryhora Biarozkina pra represii 1920—1940-ch1212
«Jak Volski prychodziŭ ź pieratrusam da Kołasa, a Krapiva i Hlebka danosili na kaleh». Apublikavanyja žachlivyja ŭspaminy Ryhora Biarozkina pra represii 1920—1940-ch12
«Fury raściahnulisia na kiłamietry. Stajać uzdoŭž darohi — prosta, bokam. Stajać u poli». Vidavočca raskazaŭ pra situacyju pierad «Kamiennym Łoham»1111
Kamientary