spring96.org
Uviečary 17 vieraśnia ŭ Minsku była zatrymana kaardynatarka vałanciorskaj słužby pazbaŭlenaha rehistracyi pravaabarončaha centra «Viasna» Maryja Rabkova. Razam ź joj byŭ zatrymany jaje muž Vadzim Žaromski. Praź niekalki hadzin jaho adpuścili, piša spring96.org.
Prykładna kala 9-j hadziny viečara Maryja i Vadzim viartalisia damoŭ pa vulicy Cimirazieva. Pasiaredzinie vulicy spynilisia niekalki busaŭ, adtul vybiehli ludzi i pakłali ich tvaram u asfalt.
Im paviedamili, što zatrymali ich u miežach kryminalnaj spravy pa č. 3 art. 293 Kryminalnaha kodeksa (Navučańnie ci inšaja padrychtoŭka asob dla ŭdziełu ŭ masavych biesparadkach, albo finansavańnie takoj dziejnaści).
Zatrymańnie pravodzili supracoŭniki Hałoŭnaha ŭpraŭleńnia pa baraćbie z arhanizavanaj złačynnaściu (HUBAZiK).
Maryju i Vadzima pasadzili ŭ roznyja mikraaŭtobusy, Vadzima pavieźli ŭ kvateru na pieratrus. Padčas pieratrusu zabrali techniku, asabistyja rečy, hrošy na vučobu. Paśla hetaha Vadzima pavieźli na dopyt u HUBAZiK, vadzili pa kalidorach ź miecham na hałavie.
Pahražali, što paviazuć u izalatar časovaha ŭtrymańnia, ale raptam adpuścili, skazaŭšy, što na nastupny dzień u jaho adbudziecca dopyt.
Maryja Rabkova dahetul zatrymanaja. Dzie jana dakładna, — ci jašče ŭ budynku HUBAZiK, ci jaje pieraviali ŭ iČU, — dahetul nieviadoma.
-
U Baranavičach vylepili sa śniehu vialikaha kania ŭ palito FOTAFAKT
-
Pamiatajecie biełarusku, jakaja žyła i viała biznes u Litvie, ale nienavidzieła krainu? Daviedalisia, što z fanatkaj Łukašenki ciapier
-
«Pakul nie źniali tyktok — nichto nie varušyŭsia». Jak biełarusy vyrašajuć kamunalnyja prablemy praz ahałosku
Raźviedka ZŠA: Biełaruś stała pieradavym vajskovym płacdarmam Rasii21
Kamientary