19 vieraśnia na Minskim elektratechničnym zavodzie imia Kazłova pakončyŭ z saboj rabočy. Zborščyka Stanisłava Čura znajšli paviešanym padčas abiedziennaha pierapynku, piša Jeŭraradyjo.
Pryčyny, jakija šturchnuli mužčynu na samahubstva, pakul dakładna nieviadomyja. Kalehi Stanisłava miarkujuć, što na jaho akazvaŭsia cisk z-za jaho palityčnaj pazicyi.
— Jon chadziŭ uvieś čas na ŭsie mitynhi i zabastoŭki. Ludziej, jakija 16-ha chadzili na zabastoŭku ŭ skvier unutry zavoda, pačali presavać, až da zvalnieńnia, — raspaviadaje Jeŭraradyjo adzin z supracoŭnikaŭ pradpryjemstva. — Kažuć, što jon pałajaŭsia z načalstvam, potym zdaŭ instrumienty i chadziŭ šukaŭ miesca, dzie pakončyć z saboj.
Jašče adzin rabotnik, jaki źjaŭlajecca siabram Svabodnaha prafsajuza mietalistaŭ, adkazvaje, što pryčynaj suicydu mahła stać siamiejnaja drama.
— Dla nas heta trahiedyja, viadoma. Kab čałaviek bieź ničoha nijakaha, tym bolš taki bajec. Jak kazaŭ majstar, jon byŭ adzin z tych u bryhadzie, jaki «za Radzimu».
Pachavańnie Stanisłava adbudziecca ŭ Vilejcy. Pierad hetym zładzicca słužba ŭ Kaściole Uźvižańnia Śviatoha Kryža.
U Čura zastalisia žonka i niepaŭnaletni syn.
Minski elektratechničny zavod staŭ adnym ź pieršych pradpryjemstvaŭ, rabotniki jakoha adkryta vykazali svaju hramadzianskuju pazicyju. 11 žniŭnia 50 rabočych padpisali ahulny zvarot, adrasavany Administracyi prezidenta. Supracoŭniki zavoda patrabavali spynieńnia hvałtu ŭ dačynieńni da pratestoŭcaŭ, vyzvaleńnia zatrymanych i viartańnia paŭnavartasnaha internetu. U toj ža dzień kala prachadnoj zavoda adbyŭsia chapun, jak minimum dvuch čałaviek zatrymali.
Maksim Znak naviedaŭ śpiektakl «Zekamieron», pastaŭleny pa jahonaj knizie, napisanaj u SIZA4
Kamientary