Alaksandr Łukašenka padpisaŭ zakon «Ab amnistyi ŭ suviazi z 65‑hodździem vyzvaleńnia Biełarusi ad niamiecka‑fašysckich zachopnikaŭ», paviedamiła 5 maja pres‑słužba prezidenta.
Adznačajecca, što amnistyja «nie budzie nasić šyroki charaktar». «Tradycyjna vyzvalajucca ad kryminalnaj adkaznaści lhotnyja katehoryi asob, što ŭčynili złačynstvy, jakija nie ŭjaŭlajuć vialikaj hramadskaj niebiaśpieki, i mienš ciažkija złačynstvy (u tym liku niepaŭnaletnija, ciažarnyja žančyny, žančyny i adzinokija mužčyny, jakija majuć niepaŭnaletnich dziaciej, piensijaniery, invalidy, chvoryja na aktyŭnuju formu tubierkulozu, VIČ‑infikavanyja, vieterany bajavych dziejańniaŭ, udzielniki likvidacyi nastupstvaŭ katastrofy na Čarnobylskaj AES, asoby, jakija atrymali ranieńni pry vykanańni abaviazkaŭ u pieryjad prachodžańnia słužby)», — havorycca ŭ paviedamleńni.
Niezaležna ad terminu adbyćcia pakarańnia buduć vyzvaleny asoby, asudžanyja za złačynstvy, jakija nie ŭjaŭlajuć vialikaj hramadskaj niebiaśpieki, a taksama pry asudžeńni da aryštu.Amnistyi padlahajuć taksama asoby, asudžanyja za mienš ciažkija złačynstvy — pry adbyćci nie mienš adnoj čverci terminu pakarańnia; za asobnyja ciažkija ekanamičnyja złačynstvy — pry adbyćci nie mienš adnoj traciny terminu pakarańnia.
Vyzvaleny taksama buduć asoby, što ŭčynili luboje złačynstva, kali da zakančeńnia terminu adbyvańnia pakarańnia zastałosia mienš za hod.
Pry hetym asudžanyja, jakija nie padlahajuć vyzvaleńniu ad dalejšaha adbyvańnia pakarańnia, vyzvalajucca ad pakarańniaŭ častkova terminam na adzin hod.
Amnistyja nie raspaŭsiudžvajecca na asob, da jakich raniej prymianialisia amnistyja abo pamiłavańnie i jakija znoŭ učynili naŭmysnaje złačynstva;jakija nie kampiensavali pryčynieny złačynstvami ŭron (za vyklučeńniem nazvanaj ilhotnaj katehoryi asob); jakija złosna parušajuć ustanoŭleny paradak padčas adbyvańnia pakarańnia; jakija pryznany asabliva niebiaśpiečnymi recydyvistami; jakija asudžany da pažyćciovaha źniavoleńnia; jakim pakarańnie śmierciu abo pažyćciovaje źniavoleńnie zamienieny inšym pakarańniem; abjaŭlenych u vyšuk; jakija ŭčynili naŭmysnaje zabojstva abo zhvałtavańnie z kvalifikujučymi prykmietami, bandytyzm, teraryzm, złačynstvy suprać dziaržavy; jakija stvaryli złačynnuju arhanizacyju abo ŭdzielničali ŭ joj, a taksama jakija ŭčynili karupcyjnyja złačynstvy.
Zakon ab amnistyi byŭ pryniaty Pałataj pradstaŭnikoŭ u dvuch čytańniach 15 krasavika, i ŭchvaleny Savietam Respubliki 23 krasavika.
Jak zajaviŭ u PP NS vykanaŭca abaviazkaŭ ministra ŭnutranych spraŭ Anatol Kulašoŭ, u vyniku amnistyi budzie vyzvalena kala 4,5 tys. čałaviek, miarkujemaja ekanomija srodkaŭ respublikanskaha biudžetu składzie 2 młrd. rubloŭ.
Cichanoŭskaja: Dzieci nie pierajechali ŭ ZŠA, a prosta časova buduć z tatam dziela biaśpieki39
Kamientary