Lidar KNDR Kim Čen Yn padziakavaŭ karejcam za toje, što ŭ krainie niama zaražanych karanavirusam. Pra heta jon zajaviŭ padčas śviatočnaha parada ŭ honar 75-hodździa zasnavańnia Pracoŭnaj partyi Karei, pieradaje «RIA Naviny».
«Našy hramadzianie sami abaranili krainu i siabie… choć my pakul i nie žyviom bahata, siemji žyvuć družna, i nivodny čałaviek nie zachvareŭ jašče na złajakasny virus, i ŭsie zdarovyja, nie pieradać, nakolki ja ŭdziačny,i nakolki vialikuju siłu mnie heta nadaje», — skazaŭ karejski lidar.
Jon adznačyŭ adkaznaść hramadzian KNDR, jakija «jak adzin» vykonvali supraćvirusnyja miery, paličyli hetuju dziaržaŭnuju spravu svajoj ułasnaj. Taksama Kim Čen Yn pažadaŭ Paŭdniovaj Karei spravicca z nastupstvami pandemii.
«Ja spadziajusia, što paŭdniovakarejskija tavaryšy spraviacca z kryzisam u achovie zdaroŭja i buduć ustojliva dziejničać z nami ruka ab ruku», — zajaviŭ jon.
Pavodle aficyjnaj statystyki Paŭnočnaj Karei, u krainie nie zafiksavana nivodnaha vypadku zachvorvańnia na karanavirus. U kancy sakavika paviedamlałasia, što KNDR tajemna paprasiła ab dapamozie ŭ baraćbie z epidemijaj. Adznačałasia, što Pchieńjan źviarnuŭsia da mižnarodnaj supolnaści z prośbaj pratestavać bolš ludziej na najaŭnaść infiekcyi.
Kamientary